Biaspłatnaja arenda: biełaruski nabyvajuć adzieńnie ŭ kramie, a paśla mierapryjemstva viartajuć

@murka_milliard

Mahazin v Minskie pridumał intieriesnyj sposob boroťsia s tiemi, kto ispolzujet ich kak biespłatnuju ariendu odieždy na prazdnik ili fotosieśsiju. Kak vam idieja?

♬ orihinalnyj zvuk - Kristina. Minsk

Natalla: «Heta ekałahična i racyjanalna»

— Ja z tych ludziej, chto vielmi lubić fotasiesii, ale pry hetym nie bačyć patreby nabyvać novyja rečy dla kožnaj ź ich. Darečy, taki varyjant mnie hadoŭ piać tamu padkazała fatohrafka, jakaja dapamahała sabrać vobraz. Jana raspaviała, što šmat chto ź jaje klijentak biare ŭ kramach vopratku (a niechta navat i abutak) dla fotasetaŭ, a paśla viartaje rečy ŭ kramu. Atrymlivajecca biaspłatnaja arenda.

Ščyra kažučy, ja b sama naŭrad ci dadumałasia b da takoha varyjanta. Ale mnie jon vielmi spadabaŭsia. Heta ekałahična i racyjanalna — navošta zachłamlać dom čarhovaj sukienkaj, jakuju ja ŭ realnym žyćci nikoli nie nadzienu?

Kali havorka idzie ab rečach, jakimi možna karystacca i paśla fotasesij, ja ich zvyčajna nabyvaju. Naprykład, kali my siamjoj fatahrafavalisia ŭ adnolkavych pižamach, ja ich usie vykupiła — i my ich z zadavalnieńniem nasili.

Na indyvidualny fotaset ja zvyčajna płanuju dva vobrazy. Atrymlivajecca, što kožny łuk na mnie ŭsiaho 20-30 chvilin. Chiba ja nie mahła takuju kolkaść času prosta krucicca pierad lusterkam, raicca z mužam i dasyłać 100500 zdymkaŭ siabroŭkam, kab vyrašyć, ci pakidaju sukienku sabie? Dyk u čym tady roźnica?

Ja b nikoli nie ŭziała b tak vopratku, naprykład, kab schadzić na karparatyŭ ci ŭ restaran na dzień naradžeńnia. Bo tam sukienku mohuć i prapalić, i zapeckać, i parvać. Kali b niešta takoje zdaryłasia b padčas fotasesii, ja b, biezumoŭna, nie stała b navat sprabavać viarnuć reč u kramu. Ale kali ŭsio ok, dyk čamu nie?

Niechta ź siabrovak hidliva morščyŭ nos, pačuŭšy pra maju stratehiju. Mnie niejak usio roŭna. Ja nie parušaju zakon. Kali ja maju prava viarnuć adzieńnie ŭ idealnym stanie i zabrać svaje hrošy, čamu ja pavinna ad jaho admaŭlacca?

Jaŭhienija: «Dobra razumieła, što nikudy, akramia taho fotaseta, apranuć sukienku nie zmahu»

— Ja na takija chitryki pajšła tolki adnojčy — kali była ciažarnaja i płanavała fotasiesiju. Mnie vielmi spadabałasia adna sukienka, ale ž ja dobra razumieła, što nikudy, akramia taho fotaseta, apranuć jaje nie zmahu. Navat na vypisku ŭ mianie ŭžo była inšaja padrychtavana.

Ja zamoviła sukienku (davoli niebiudžetnuju) na papularnym markiet-płejsie, a litaralna praź dzień viarnuła. Heta było niepryjemna: dziaŭčyna ŭ punkcie vydačy nie prosta ŭvažliva ahledzieła kožny santymietr sukienki, ale i paniuchała jaje. Ja adčuvała siabie žudasna, ščoki pačyrvanieli ad soramu. Hrošy mnie viarnuli, ale nastroj byŭ sapsavany. Nikoli bolš nie ryzyknu paŭtaryć toj dośvied.

Aksana: «Usie tak robiać»

— Niejak mnie spatrebiłasia sukienka na viasielle siabroŭki. A ja studentka, jakaja choć i vučycca na biudžecie, i padpracoŭku maje, ale ŭsio roŭna nie šykuje. Na padarunak hrošy byli, a voś nabyć jašče sukienku… A tam jašče dres-kod byŭ, koler niejki ekzatyčny, ja taki nikoli nie našu ŭ zvyčajnym žyćci. Pačała ŭ siabrovak pytacca, raptam u ich što jość — ničoha nie znajšła. Užo dumała admaŭlacca, kab nie sapsavać niavieście pryhožaje viasielle. Ale adna siabrovak paraiła zamović sukienku na markiet-płejsie, a potym viarnuć jaje — kazała, usie tak robiać.

Inšaha varyjantu asabliva nie było, ułazić u daŭhi nie chaciełasia. Ščyra skažu, usio viasielle dla mianie prajšło na stresie. Ja chvalavałasia, kab nichto nie sapsavaŭ sukienku, kab jarłyki nie vyleźli. Ale prajšło ŭsio dobra, sukienku ja viarnuła biez prablem.

Ciapier čas ad času rablu tak, kali mnie patrebna adzieńnie na adzin raz. A jašče ja pryncypova nikoli nie nabyvaju adzieńnie na pachavańnie. Možacie ličyć heta maimi zababonami, ale ja b nie chacieła, kab u mianie doma była adzieńnie, u jakim ja była na pachavańni. Uvohule mnie nie padabajecca čorny koler, a jašče i kali takija niehatyŭnyja asacyjacyi buduć z vopratkaj…

Nie baču vialikaj roźnicy pamiž tym, što ja niekalki hadzin u sukiency pachadziła, i tym, što jaje 20 čałaviek pa 10 chvilin pamierali. Kali b byli punkty prakatu z cenami pa 10-15-20 rubloŭ, ja b źviartałasia tudy. Ale ž tam sukienka na viečar kaštuje jak kryło samalota! Hladzieła — bolš za 100 rubloŭ za arendu. Za što takija hrošy?!

Čytała abmierkavańni ŭ internecie, jak pradaŭcy skardziacca na takich pakupnic jak ja. Ščyra, mnie ich nie škada. Jany robiać vialikija nacenki na adzieńnie, jakoje zakazvajuć u Kitai za try kapiejki.

A ja nie rablu z adzieńniem čahości takoha, kab jaho potym nie zmahli pradać. Možna było b, kaniešnie, nabyć, a potym pradać praź jaki «Kufar», ale navošta mnie toj hiemaroj? Plus pryjdziecca skidać pracentaŭ 30-50 ad pieršapačatkovaj cany, kab choć niejak pradać. Pradaŭcy ž spakojna pradaduć inšaj pakupnicy za tyja hrošy, jaki płanavali.

***

 Nasamreč, u takoj biaspłatnaj «arendy» ŭžo daŭno isnuje nazva — vardrobinh. Na biełaruskich forumach lubiać pisać, što na Zachadzie heta całkam narmalnaja źjava. Ale i tam kramy nie ŭ zachapleńni ad amataraŭ padmanuć sistemu. Amierykanskija ŚMI pišuć, što praz vardrobinh kramy hublajuć kala $13 miljardaŭ štohod.

Kaniečnie, pradaŭcy sprabujuć zmahacca z vardrobinham. Naprykład, Asos (papularny brytanski anłajn-rytejler) zrabiŭ svoj «čorny śpis» tych, chto vielmi časta viartaje rečy.

@murka_milliard

Mahazin v Minskie pridumał intieriesnyj sposob boroťsia s tiemi, kto ispolzujet ich kak biespłatnuju ariendu odieždy na prazdnik ili fotosieśsiju. Kak vam idieja?

♬ orihinalnyj zvuk - Kristina. Minsk

Niekatoryja biełaruskija kramy taksama pačali šukać varyjanty supraćstajańnia biaskoncym viartańniem. Minskaja błohierka ŭ źviarnuła ŭvahu na «sukienki-antykarparatyŭ» u staličnaj kramie brendu Lichi. Na śviatočnych sukienkach na vielmi prykmietnych miescach visiać birki, na jakich paznačana: kali takuju birku sarvać, viarnuć adzieńnie budzie niemahčyma.

• 9
• 1
• 7
• 13
• 0
• 1
• 1
• 0