Nara Kan — 22-hadovaja dziaŭčyna, jakaja źbiehła z Paŭnočnaj Karei ŭ 2015 hodzie. Ciapier jana žyvie ŭ Sieule, stalicy demakratyčnaj — i bahataj — Paŭdniovaj Karei.
Nara Kan lubić jarki makijaž i čyrvonuju pamadu. Doma ŭ Paŭnočnaj Karei jana hetaha rabić nie mahła. «Čyrvonaja pamada zabaronienaja ŭ paŭnočnakarejskim hramadstvie, bo jarkaja kaśmietyka — heta buržuazna», — kaža Nara Kan.
Režym u Paŭnočnaj Karei dyktuje, što treba nasić i jak zaplatać vałasy. U rodnym horadzie Nary Kan dazvalałasia vykarystoŭvać tolki pamadu lohka ružovaha adcieńnia, ale ni ŭ jakim razie nie zyrka-čyrvonuju. Doŭhija vałasy naležała abo zaviazvać u chvościk, abo zaplatać u kasu, piša CNN.
Na vulicach sustrakajecca «Hiučałde» — paŭnočnakarejskaja palicyja mody, jakaja sočyć za vyhladam ludziej. Dziaŭčatam nielha nasić azdableńni, farbavać vałasy ci prosta raspuskać ich. «Kožny raz, kali ja vychodziła na vulicu z makijažam, pažyłyja ludzi kazali, što ja niahodnica, jakuju začapiła zaraza kapitalizmu», — raskazvaje Nara Kan.
Za adzieńnie, jakoje ličycca «zachodnim», naprykład, mini-spadnicy, kašuli z nadpisami na anhielskaj movie abo vuzkija džynsy, u Paŭnočnaj Karei možna atrymać štraf ci inšaje pakarańnie — miežy svabody roznyja ŭ roznych rehijonach.
Nara Kan kaža, što moładź Paŭnočnaj Karei, tym nie mienš, sočyć za modaj. «Heta nie tak składana, kali viedać, dzie šukać», — kaža dziaŭčyna.
Čornyja rynki vymušana ŭźnikli padčas hoładu ŭ 1990-ch, da taho ich nie isnavała. Na takich rynkach pradajecca ŭsio: ad sadaviny da adzieńnia i chatnich tavaraŭ. Hetyja rynki taksama źjaŭlajucca krynicaj nielehalnaj pradukcyi, jakaja traplaje praz kantrabandu. Takim čynam zamiežny kantent, u tym liku filmy i muzyčnyja klipy, jakija kapirujuć na USB-nośbity ŭ Kitai abo Paŭdniovaj Karei, kantrabandaj traplaje na čornyja rynki Paŭnočnaj Karei. Jašče adzin ź mietadaŭ pieradačy infarmacyi, jaki vykarystoŭvajuć u tym liku pravaabarončyja arhanizacyi, — butelki z presaj, jakija adpraŭlajuć praz mora ŭ Paŭnočnuju Kareju.
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što78
Kamientary