«Ja na piensii, u stalicy. Nikudy nie źjazdžaŭ». Nazarbajeŭ vystupiŭ sa zvarotam VIDEA
U zvarocie pieršy prezident Kazachstana vykazaŭ spačuvańni zahinułym padčas pratestaŭ i zajaviŭ, što znachodzicca na piensii ŭ Nur-Sułtanie. Jon abvierh čutki ab kanflikcie z prezidentam Takajevym.
«Studzieńskija padziei ŭzrušyli ŭvieś Kazachstan. Metaj hetych arhanizavanych biesparadkaŭ i ataki na Kazachstan było razbureńnie cełasnaści krainy i asnoŭ dziaržavy. Hetyja padziei jašče raz pakazvajuć, što niezaležnaść treba bierahčy jak zrenku voka, jak dalikatny posud, jaki patrabuje asabliva bieražlivaha abychodžańnia.
Trahiedyja stała dla nas urokam. Važna vyśvietlić, chto arhanizavaŭ usie hetyja pahromy i zabojstvy. Śledstva daść adkaz na hetaje pytańnie.
Vykazvaju ščyryja spačuvańni rodnym i blizkim zahinułych, a taksama paciarpiełym žadaju najchutčejšaha vyzdaraŭleńnia.
Adkazvajučy na šmatlikija zvaroty ŭ moj adras, i ŭ suviazi z publikacyjami ŭ srodkach masavaj infarmacyi, paviedamlaju, što ja ŭ 2019 hodzie pieradaŭ paŭnamoctvy prezidenta Kasym-Žamartu Takajevu, i z tych časoŭ źjaŭlajusia piensijanieram, i ŭ ciapierašni čas znachodžusia na zasłužanym adpačynku ŭ stalicy Kazachstana i nikudy nie adjazdžaŭ.
Prezident Kasym-Žamart Takajeŭ vałodaje ŭsioj paŭnatoj ułady. Jon staršynia Rady biaśpieki. U chutkim časie prezident budzie abrany staršynioj partyi «Nur Atan». Tamu nijakaha kanfliktu abo supraćstajańnia ŭ elicie niama. Čutki na hetuju temu absalutna biespadstaŭnyja. Usim viadoma, što ja 30 hadoŭ, nie pakładajučy ruk, pracavaŭ u imia našaj Radzimy», — skazaŭ Nazarbajeŭ u zvarocie.
***
Nursułtan Nazarbajeŭ nie źjaŭlaŭsia na publicy z kanca śniežnia —paśla samitu SND u Pieciarburhu i nijak nie kamientavaŭ pratesty, što ŭspychnuli na pačatku studzienia i prajšli, siarod inšaha, pad łozunham «Nazarbajeŭ, sychodź!». Razam z tym 11 studzienia prezident Kasym-Žamart Takajeŭ, kamientujučy situacyju paśla pratestaŭ u krainie, zajaviŭ, što dziakujučy jaho papiaredniku, u krainie «źjaviłasia hrupa vielmi prybytkovych kampanij i prasłojka bahatych ludziej navat pa mižnarodnych mierkach». Takajeŭ skazaŭ, što dla ich pryjšoŭ čas «addać naležnaje» narodu Kazachstana i dapamahać jamu. Taksama stracili pasady try ziaci Nazarbajeva i jaho plamieńnik.
Źmiaściŭ Nazarbajeva i staŭ sapraŭdnym lidaram Kazachstana. Što ekśpierty pa Siaredniaj Azii kažuć ab pratestach u Kazachstanie
Zachodnija ŚMI: Nazarbajeŭ žyvy i viadzie «lutyja pieramovy» z Takajevym
-
«Zmahacca za svajo žyćcio kožny čortaŭ dzień». Amierykanski repier vahoj 220 kh vyjšaŭ na scenu z kisłarodnym bałonam FOTY
-
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
-
Pa damoŭlenaści ź siryjskimi paŭstancami bajcy kurdskich Siryjskich demakratyčnych siłaŭ pakinuli rajon Alepa
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary