Status biežanca ŭ Biełarusi atrymaŭ amierykaniec Evan Ńjuman. Jon udzielničaŭ u šturmie Kapitolija
Z ZŠA Evan Ńjuman źbieh tamu, što suprać jaho vystavili abvinavačvańni z nahody ŭdziełu ŭ biesparadkach paśla prezidenckich vybaraŭ 6 studzienia 2021 hoda.
«U Biełarusi adčuvaju siabie ŭ biaśpiecy. Spakojna, padabajecca ŭ krainie. Siońnia adčuvaju źmiešanyja pačućci. Rady, tamu što Biełaruś prajaviła kłopat pra mianie. Zasmučany, tamu što apynuŭsia ŭ takoj situacyi, što ŭ rodnaj krainie paŭstali prablemy», — raskazaŭ Ńjuman biełaruskim dziaržaŭnym ŚMI.
Status biežanca ŭ Biełarusi hramadzianie krain Zachadu prosiać vielmi redka. Pra toje, što na heta navažyŭsia Evan Ńjuman, stała viadoma ŭ listapadzie 2021-ha.
Ńjumanu 48 hadoŭ. Jon uradženiec Kalifornii, maje dvaich dziaciej, zajmajecca biznesam pa vytvorčaści sumak. Na radzimie ŭ jaho vielmi skandalnaja reputacyja.
Dvojčy sudzimy, handlavaŭ marychuanaj, šturmavaŭ Kapitolij z ukrainskim šalikam. Što viadoma pra amierykanca, jaki prosić prytułak u Biełarusi?
Ciapier całkam vierahodna, što Ńjumana zachočuć napoŭnicu vykarystać u antyzachodniaj prapahandzie. Niadaŭna my nazirali padobny prykład takoha kštałtu — kiejs deziercira z polskaha vojska Emila Čečki. Niadaŭna jaho znajšli paviešanaha, ale dahetul jon akazaŭ biełaruskim uładam šmat prapahandysckich pasłuh, namahajučysia pradstavić ułady svajoj krainy arhanizatarami i vykanaŭcami złačynstvaŭ suprać čałaviečnaści.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary