14 maja ŭ Turynie adbudziecca finał «Jeŭrabačańnia». Vyvučajem, kamu bukmiekiery i ekśpierty abiacajuć pieramohu ŭ muzyčnym konkursie.
Pačniem z danych stryminhavaha siervisu Spotify — mienavita jon letaś «pradkazaŭ» pieramohu italjanskaha hurtu Måneskin, bo ŭ pieryjad z sakavika pa maj 2021 hoda pieśnia italjancaŭ była najbolš papularnaj na siervisie siarod inšych tvoraŭ z «Jeŭrabačańnia».
U hetym hodzie Spotify taksama prapanuje Italiju jak mahčymaha pieramožcu, bo kampazicyja Brividi ad italjancaŭ Mahmood i BLANCO znoŭ samaja papularnaja siarod usich piesień sioletniaha konkursu. Jaje słuchajuć u piać razoŭ bolš, čym pieśniu, jakaja na druhim miescy — Hold Me Closer šviedskaj kankursantki Karnelii Džejkabz. Na trecim miescy znachodzicca trek De Deipte ad niderłandskaj śpiavački S10.
Ukraina — biezumoŭny favaryt bukmiekieraŭ
Tym nie mienš, bukmiekiery prytrymlivajucca inšaha mierkavańnia. Jany staviać na pieršaje miesca kankursantaŭ z Ukrainy — hurt Kalush Orchestra ź pieśniaj Stefania. Siaredni kaeficyjent na pieramohu ŭkraincaŭ — 1,3, a imaviernaść hetaj pieramohi — 59%.
Kalush Orchestra z Ukrainy. Fota: AP Photo/Luca Bruno.
Na druhim miescy z 11% šansam na pieramohu znachodzicca brytaniec Sem Rajder i jaho trek Space Man, kaeficyjenty na pieramohu — ad 6,5 da 8. Na treciaj pazicyi Šviecyja z kaeficyjentami ad 7 da 11 i z 9% (zhodna z bukmiekierami) šansam na pieramohu.
Ale ž Italija adyšła nie tak daloka — jana na čaćviortym miescy ŭ bukmiekieraŭ z 6% šansaŭ na pieramohu. Narešcie, na piataj pazicyi znachodzicca ispanka Chanel z trekam SloMo, imaviernaść jaje pieramohi bukmiekiery aceńvajuć u 4%. Siarod inšych mahčymych favarytaŭ adznačajuć Polšču, Hrecyju, Niderłandy, Narviehiju, Sierbiju i Finlandyju.
Cikava, što Italiju ličyli hałoŭnym favarytam sioletniaha konkursu jašče zadoŭha da jaho praviadzieńnia. Ale paśla pačatku vajny va Ukrainie Italija sastupiła svajo pieršaje miesca hetaj krainie, a sama apynułasia navat pa-za miežami pryzavoj trojki.
Pradstaŭnica Hrecyi Amanda Tenfjord. Fota: EBU / CORINE CUMMING.
Nazaviem i tych, u kaho, pa mierkavańniach bukmiekieraŭ, mienš za ŭsio šansaŭ na pieramohu. Na siońnia heta Rumynija, Hiermanija, Litva, Bielhija, Azierbajdžan, Šviejcaryja i Isłandyja. Kaeficyjenty na pieramohu hetych krain dasiahajuć 500.
Finał «Jeŭrabačańnia» možna budzie pabačyć 14 maja a 22:00 u tranślacyi na aficyjnym jutub-kanale konkursa.
Kaho słuchać na «Jeŭrabačańni»: subjektyŭny top-10 ad «Našaj Nivy»
Hasta la vista, baby. Zhadvajem samyja trešovyja numary Biełarusi na «Jeŭrabačańni»
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova7
Kamientary