Jak by ni chaciełasia, ale virus kavidu nikudy nie syšoŭ, i asnoŭnyja miery pieraściarohi suprać jaho jašče aktualnyja. Adna z takich mier — pryščepka: jana nie harantuje, što vy nie zachvarejecie, ale mocna pavyšaje vierahodnaść pieranieści kavidu lohka. Ci možna paśla jaje ŭžyvać ałkahol?
Kali vy narešcie atrymali pryščepku ad kavidu, pieršasnuju ci bustarnuju, u vas moža ŭźniknuć žadańnie heta adśviatkavać i asušyć adzin-dva kielichi. Abo vas zaprašajuć na viečarynu, ad jakoj vy nie možacie admovicca, i ŭ toj ža dzień u vas čakajecca pryščepka. Jak akazałasia, ałkahol i vakcyna ad kavidu nie zaŭsiody dobra spałučajucca pamiž saboj, piša The New York Times.
Kali razmova pra adnu-dźvie porcyi ałkaholu, u navukoŭcaŭ niama dokazaŭ, što takaja kolkaść vypitaha chutka paśla pryščepki zrobić jaje mienš efiektyŭnaj. Niekatoryja daśledavańni navat śviedčać, što ŭ doŭhaterminovaj pierśpiektyvie maleńkija ci siarednija porcyi śpirtnoha mohuć palapšać pracu imunitetu, bo jany pamianšajuć zapaleńnie ŭ arhaniźmie.
Ź inšaha boku, bolš aktyŭnaje ŭžyvańnie ałkaholu, asabliva ŭ doŭhaterminovaj pierśpiektyvie, moža pryhniatać imunnuju sistemu i, imavierna, upłyvać na toje, jak arhanizm reahuje na vakcynu. Arhanizmu mohuć spatrebicca niekalki tydniaŭ, kab vypracavać takuju kolkaść antyciełaŭ suprać kavidu, jakoj chapiła b dla abarony ad chvaroby. I tamu ŭ hety čas luby faktar, jaki ŭpłyvaje na reakcyju imuniteta, moža asłabić arhanizm pierad infiekcyjaj.
Takim čynam, ekśpierty rajać paśla pryščepki nie pieravyšać umieranych doz ałkaholu — nie bolš za 2 porcyi śpirtnoha ŭ dzień dla mužčyn i nie bolš za 1 porcyja dla žančyn. Pad adnoj porcyjaj napoju majuć na ŭvazie prykładna 150 mililitraŭ vina, 350 mililitraŭ piva i 45 mililitraŭ mocnych śpirtnych napojaŭ.
Jašče adna pryčyna trymać siabie ŭ rukach paśla vakcyny — toje, što praźmiernaja kolkaść vypitaha i pachmielle paśla jaje mohuć uzmacnić pabočnyja efiekty paśla vakcynacyi, u tym liku i lichamanku ci boli. Ale, znoŭ ža, adzin kielich šampanskaha ŭ honar pryščepki vam naŭrad ci naškodzić.
Zorka Halivuda Ben Aflek pryznaŭsia, što jon pryrodny ałkaholik. I bolš za ŭsio škaduje pra adno rasstańnie
Narkołah — pra biaśpiečnyja dozy vypiŭki, samy škodny vid ałkaholu i toje, kali varta źviarnucca pa dapamohu
Ci mahčyma stać pjanym biez ałkaholu?
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary