Čym bolš ludzi jeździać, tym lepš siabie adčuvajuć — daśledavańnie
Vučonyja z Univiersiteckaha kaledža Łondana apytali bolš za try tysiačy darosłych žycharoŭ paŭnočnaj Anhlii.
Navukoŭcaŭ cikaviła, jak časta apytanyja ludzi adjazdžajuć ad svajho doma na adlehłaść bolš čym 15 mil (24 kiłamietry), piša The Times.
I što ž vyjaviłasia? Tyja, chto rehularna ci jak minimum časta jeździać dalej, apisvali svajo zdaroŭje bolš pazityŭna, čym damasiedy, i heta było asabliva aktualna ŭ vypadku z pažyłymi ludźmi.
Vysnova ŭ daśledčykaŭ niečakanaja: važna, kab hramadski transpart byŭ dobra raźvity, kab navat ludzi biez ułasnych aŭtamabilaŭ mahli jeździć, sustrakacca, padarožničać.
Praca daśledčykaŭ źjaviłasia ŭ vydańni Transport & Health.
Važnaj charaktarystykaj navukoŭcy nazyvajuć kolkaść miescaŭ, jakija čałaviek naviedvaje za miežami svajho kvartała. Čym bolš hetych miescaŭ, tym bolš čałaviek sacyjalna aktyŭny, a heta dobra dla jahonaha zdaroŭja. Adpaviedna, ličać daśledčyki, ich praca pakazvaje, što važna inviestavać u palapšeńnie hramadskaha transpartu — ciahnikoŭ i aŭtobusaŭ.
Adzinota škodzić zdaroŭju, pavialičvaje ryzyku vysokaha kryvianoha cisku, sardečnych zachvorvańniaŭ, atłuścieńnia, depresii i demiencyi. Adzinota pavyšaje ryzyku zaŭčasnaj śmierci na 26 pracentaŭ, i ekśpierty kažuć, što samotnaść treba ličyć adnoj z prablem hramadskaj achovy zdaroŭja, anałahičnaj kureńniu i atłuścieńniu.
Zabaŭki nie dla kožnaha. Jakija śniehachody i kvadracykły pradajuć u Biełarusi? Niekatoryja kaštujuć jak kvatera
Žychar Vilejki svaimi rukami sabraŭ usiudychod, jaho nazvali «Biehiemotam»
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary