Napiaredadni Uimbłdonskaha turniru pryncesa Uelskaja Ketryn (Kiejt Midłtan) zhulała ŭ tenis z eks-pieršaj rakietkaj śvietu Rodžeram Fiedereram.
Vaśmirazovy čempijon Uimbłdona Rodžer Fiederer i pryncesa Uelskaja napiaredadni brytanskaha turniru Vialikaha šlema, što startuje ŭ nastupny paniadziełak, uziali ŭdzieł u zdymkach filma, pryśviečanaha niezaŭvažnaj, ale važnaj pracy bołbojaŭ i bołhiorł na travianym mejdžary, kali dzieci padajuć miačyki hulcam.
Zornyja hości pahutaryli z chłopčykami i dziaŭčatkami i pasprabavali siabie ŭ ich roli, a taksama zhulali adno z adnym u tenis na korcie №3 Usieanhlijskaha kłuba łaŭn-tenisa i krakieta, dzie 20 hadoŭ tamu šviejcarac pačaŭ šlach da svajho pieršaha trafieja na Uimbłdonie. Vybitny tenisist zaviaršyŭ karjeru ŭ 2022 hodzie, adnak nazaŭždy zastaŭsia lehiendaj hetaha vidu sportu.
Kiejt taksama dobra hulała. «Padača Kiejt vyhladaje dobra», — napisała anhlijskaja presa.
Kiejt Midłtan 41 hod. Žonka prynca Uelskaha Uiljama i maci traich dziaciej maje hodnyja pośpiechi ŭ sporcie. Jana płavaje ŭ basiejnie, biehaje, hulaje ŭ tenis, katajecca na łyžach. I naohuł viadzie ścipły ład žyćcia dla pryncesy.
Byłaja deputatka Maryja Vasilevič sabrałasia zamuž FOTA10
Kamientary