«Śviatkujcie svaju indyvidualnaść». Pop-zorka nulavych Neli Furtada pakazała, jak źmianiłasia za hetyja hady
Kanadskaja śpiavačka Neli Furtada była zorkaj nulavych. Jaje pieśni Say It Right i Give It to Me byli ŭ topie chit-paradaŭ, a ŭ klipach zorka pakazvała zajdrosnuju fihuru.
Niadaŭna 46-hadovaja Neli Furtada padzialiłasia zdymkami ŭ aranžavym bikini i ščyra raskazała pra svaje adnosiny ź ciełam.
Śpiavačka piša, što sioleta «adčuła novy ŭzrovień lubovi da siabie i sapraŭdnaj upeŭnienaści ŭ sabie».
«Dla tych, kamu heta cikava: ja nikoli nie rabiła apieracyj na tvary ci ciele abo pavieličeńnia čaho-niebudź, za vyklučeńniem viniraŭ na vierchnich zubach, jakija zrabiła adnosna niadaŭna. Dahetul u mianie nie było ni ŭkołaŭ, ni fileraŭ dla vusnaŭ abo tvaru. Ale ŭ mianie jość lubimaja kaśmietołah staroj škoły, u jakoj ja kuplaju syrovatki i kremy z taho času, jak mnie spoŭniłasia 20 hadoŭ. Napiaredadni fotasiesij i čyrvonych darožak ja pju šmat vady i splu na śpinie.
Časam na čyrvonych darožkach ci fotasiesijach moj vizažyst vykarystoŭvaje kaśmietyčny tejp, kab nadać vačam, skury i makijažu bolš padciahnuty vyhlad. Časam moj stylist vykarystoŭvaje tejp dla cieła, kab padkreślić siłuet adzieńnia», — napisała ŭ instahramie zorka.
Jana piša, što na vykładzienych joj fota ŭ kupalniku niama ni filtraŭ, ni makijažu, tolki aŭtazahar.
«U mianie jość sasudzistyja zorački, jakija nahadvajuć mnie pra maju mamu i ciotačak, tamu, dumaju, ja pakul nie źbirajusia ad ich pazbaŭlacca.
Majo navahodniaje pasłańnie na 2025 hod: prajaŭlajcie siabie svabodna, śviatkujcie svaju indyvidualnaść i viedajcie, što całkam narmalna prymać toje, što vy bačycie ŭ lusterku, i tak ža narmalna žadać čahości inšaha», — źviarnułasia da padpisčykaŭ Neli Furtada.
Kamientary
Kali prymaješ i ceniš siabie, heta nie značyć, što niama žadańnia niešta źmianić ci nie zaŭvažaješ niedachopaŭ. Prosta nie atručvaješ sabie hetym žyćcio.