U Biełarusi pradajuć VW Passat B6 z prabieham amal miljon kiłamietraŭ. Ale i jon moža być nie aryhinalnym
Zvyčajna pierad prodažam prabieh aŭtamabila źmianiajuć u mienšy bok, tamu ŭbačyć abjavu ad prodažy lehkavika z kaśmičnym prabieham niaprosta.
Redkaja kamplektacyja i kaśmičny prabieh
Na aŭkcyjonnaj placoŭcy beltorgi.by vystaŭleny na tarhi Volkswagen Passat B6 2006 hoda vypusku. Apošniaja startavaja cana była 14 800 rubloŭ z PDV (kala $4250), ale pakolki achvotnych nabyć aŭto nie znajšłosia, to cana budzie źnižana i mašyna znoŭ trapić na tarhi.
Pad kapotam u hetaha Passat redki dla takoj madeli bienzinavy ruchavik abjomam 3,2 litra. Z amal 700 B6 vystaŭlenych na prodaž u Biełarusi tolki 8 majuć taki ruchavik.
Ale siarod inšych hetuju mašynu vyłučaje nie tolki ruchavik, ale i ŭkazany prabieh u 970 tysiač kiłamietraŭ. Kab stolki najeździć, mašyna musiła kožny hod prajazdžać bolš čym pa 50 tysiač kiłamietraŭ.
Takoje ŭ pryncypie mahčyma, ale ŭ adnym z th-kanałaŭ, dzie aŭtary źviarnuli ŭvahu na aŭto, niekatoryja karystalniki pačali vykazvać mierkavańnie, što prabieh u mašyny moža być nie aryhinalny, a źmienieny. Pryčym u bok pavieličeńnia.
Karystalniki vykazvajuć mierkavańnie, što prabieh u aŭto moh być štučnym čynam pavialičany, pakolki mašyna naležała arhanizacyi (ułaśnikam paznačany AAT «Śpiecmantažbud №180).
Nakolki heta adpaviadaje rečaisnaści, skazać składana, ale viersija maje prava na isnavańnie. Jak by dziŭna heta ni hučała, ale prabieh u aŭto karektujuć nie tolki ŭ mienšy bok.
Jak pavialičvajuć prabieh?
Dla nakrutki prabiehu isnuje śpiecyjalnaje abstalavańnie, jakoje padklučajecca da OBD-raźjomu. Padobnyja pryłady pradajucca na roznych markietpłejsach. U zaležnaści ad madeli cana vahajecca ad 20 da 45 dalaraŭ za devajs.
Navošta pavialičvać prabieh?
Nakrutku prabiehu praktykujuć kiroŭcy ŭ karparatyŭnych aŭtaparkach. Łohika prostaja: čym bolš kiłamietraŭ projdzie mašyna, tym bolš aliva, paliva i vizitaŭ na STA joj spatrebicca. Kampanija vydzialaje na heta srodki, a nakručanyja «liški» adpraŭlajucca ŭ kišeniu kiroŭcy ci inšaj zacikaŭlenaj asoby.
Taksama bolšy znos spryjaje źmianšeńniu astatkavaha koštu aŭto, što ŭ vyniku moža być vyhadna ŭłaśniku biznesu, jaki praź nibyta vysoki prabieh moža pradać na papiery mašynu za mizernuju canu, kab sekanomić na padatkach.
Tamu, jak ni dziŭna — prabiehi ŭ aŭto nie tolki admotvajuć, ale i nakručvajuć.
Łukašenkaŭcy ŭpieršyniu za doŭhi čas pakazali Viktara Babaryku10
Kamientary
Poprobujtie v tiečienii dnia posietiť dva strojaŝichsia objekta, jeśli odin riadom Borisova i vtoroj v Nieśviž.
Za niedielu lehko 1.500km vyletajet.