Łukašenka staŭ vykručvacca ŭ adkaz na pytańni Bi-bi-si pra siońniašni stan Kaleśnikavaj i inšych palitviaźniaŭ
Žurnalisty Bi-bi-si padčas siońniašniaj sustrečy z Łukašenkam ustupili ź im u adkrytuju sprečku nakont palitviaźniaŭ, ich kolkaści i doŭhaj adsutnaści suviazi z mnohimi ź ich. Ahienctva raspaviało, što toj na heta adkazaŭ.
Ahienctva Bi-bi-si apublikavała artykuł, u jakim raspaviadaje pra siońniašniuju razmovu pamiž jaho žurnalistami z Alaksandram Łukašenkam nakont «Vahniera», jadziernaj zbroi i losu palitviaźniaŭ.
Žurnalist Styŭ Rozienbierh zadaŭ jamu adkrytaje pytańnie ab ciapierašnim stanie Maryi Kaleśnikavaj, ź jakoj užo doŭhi čas niama nijakaj suviazi, i pra toje, pa jakoj pryčynie da jaje nie puskajuć advakata.
«Na praciahu niekalkich miesiacaŭ svajakam i advakatam Maryi Kaleśnikavaj admaŭlajuć u dostupie da jaje ŭ turmie. Čamu tak adbyvajecca?» — spytaŭ Rozienbierh.
«Ja ničoha pra heta nie viedaju», — adkazaŭ Łukašenka.
Žurnalist taksama zadaŭ Łukašenku pytańnie nakont usich astatnich palitviaźniaŭ i pry hetym adznačyŭ, što z momantu ich minułaj razmovy kolkaść tolki pryznanych pravaabaroncami palitviaźniaŭ pavialičyłasia amal udvaja.
Voś jaki na heta prahučaŭ adkaz.
«U našym Kryminalnym kodeksie niama artykuła za palityčnyja złačynstvy», — skazaŭ Łukašenka.
«Ale ž adsutnaść palityčnych artykułaŭ nie aznačaje, što palitviaźniaŭ taksama niama», — zapiarečyŭ Rozienbierh.
«Asudžanyja nie mohuć być palitviaźniami, kali niama adpaviednych artykułaŭ», — upiorsia ŭ adkaz Łukašenka.
Nahadajem, što masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla poŭnamaštabnaha napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ. Suviazi ź niekatorymi viaźniami niama miesiacami.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku36
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary