Na optyka-miechaničnym zavodzie ŭ Padmaskoŭi adbyŭsia vybuch na składzie piratechniki
Na optyka-miechaničnym zavodzie ŭ Sierhijevym Pasadzie adbyŭsia vybuch, tam abvieščanaja evakuacyja, na miesca prybyli siłaviki i kiraŭnik akruhi, paviedamlajuć miascovyja ŭłady. Dziasiatki čałaviek paciarpieli.
Pavodle papiaredniaj infarmacyi, u Sierhijevym Pasadzie vybuchnuŭ arandavany anhar ź piratechnikaj, paviedamlaje TASS sa spasyłkaj na ekstrannyja słužby.
Pavodle «Bazy», kolkaść paciarpiełych u vyniku vybuchu na składzie ź piratechnikaj u Sierhijevym Pasadzie pavialičyłasia da 22 čałaviek. Pad zavałami jašče mohuć znachodzicca ludzi.
Vybuch byŭ takoj mahutnaści, što ŭ damach navokał pavylatali šyby.
Vybuch na terytoryi zavoda ŭ Sierhijevym Pasadzie adbyŭsia praz parušeńnie technałahičnaha pracesu, raspaviali ahienctvu RIA Novosti ŭ MNS Rasii.
Zahorski optyka-miechaničny zavod, miarkujučy ź infarmacyi na jaho sajcie, zajmajecca raspracoŭkaj i vytvorčaściu šyrokaha śpiektra pryboraŭ.
U pieraliku pradukcyi — aftalmałahičnaje abstalavańnie, binokli, łor-abstalavańnie i defibrylatary.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary