«Prylepin zastaŭsia žyvy, ale biez hienitalij» — kiraŭnik SBU raskazaŭ padrabiaznaści śpiecapieracyj
Kiraŭnik SBU Maluk raspavioŭ padrabiaznaści zabojstva Kivy, Tatarskaha, Prylepina dy inšych padpalščykaŭ vajny.
Kiraŭnik Słužby biaśpieki Ukrainy Vasil Maluk daŭ intervju «Faktam ICTV», padčas jakoha jaho spytali, ci majuć dačynieńnie supracoŭniki SBU da zabojstva šerahu asobaŭ.
«Pytańnie vy zadajacie pa adrasie, adnak nijakim čynam my nie budziem pryznavać hetaha. Jany addajuć karmičnyja daŭhi ŭkrainskamu narodu», — adkazaŭ Maluk i padzialiŭsia niekatorymi detalami.
Likvidacyja Kivy
Pa słovach Maluka, były deputat Viarchoŭnaj rady Ukrainy Illa Kiva doŭhi čas pracavaŭ na voraha i źbiraŭ i pieradavaŭ infarmacyju Rasii, paśla čaho zjechaŭ na terytoryju krainy-ahresara i padyhryvaŭ rasijskim śpiecsłužbam, u pryvatnaści, u praviadzieńni infarmacyjna-psichałahičnych śpiecyjalnych apieracyj (IPSA).
«Jon kuryravaŭ šerah ahienturnych praniknieńniaŭ va Ukrainu. Zajmaŭsia siarod ich padrychtoŭkaj roznych dyviersijnych aktaŭ i hetak dalej. Asudžany zavočna, kali nie pamylajusia, da 14 hadoŭ pazbaŭleńnia voli», — zaznačyŭ kiraŭnik SBU.
Dla likvidacyi Kivy była ŭžytaja karotkastvolnaja raźbovaja zbroja; spačatku byŭ zrobleny streł u hrudnuju kletku, a zatym kantrolny streł u hałavu.
«Jon zastaŭsia nazaŭždy pobač ź miescam svajho žycharstva ŭ Padmaskoŭi», — dadaŭ Maluk.
Padryŭ Tatarskaha
Što da prapahandysta Uładlena Tatarskaha, to jak zhadvaje kiraŭnik SBU, hety čałaviek da 2014 hoda znachodziŭsia ŭ źniavoleńni ŭ turmach Danieckaj vobłaści. Zatym deneeraŭcy jaho vyzvalili, i jon pačaŭ vajavać u roznych niezakonnych uzbrojenych farmavańniach i zabivać ukraincaŭ.
«Paśla Tatarski nabraŭ peŭnuju publičnuju vahu, dziakujučy čamu staŭ «ruparam» akupantaŭ na Danbasie i PVK Vahniera. U jaho było 1,5 miljona padpisčykaŭ. Jon vychvalaŭsia tym, što zabivaŭ, hvałtavaŭ i šmatlikaje inšaje. U svoj čas u adnosinach da ŭkrainskich vajennapałonnych jon uvioŭ andehraŭndnuju turemnuju subkulturu. Jon arhanizoŭvaŭ zhvałtavańnie našych vajennapałonnych. Tamu jon karmična adkazaŭ pierad ukrainskim narodam», — adznačyŭ kiraŭnik SBU.
Maluk nahadaŭ, što likvidacyja terarysta adbyłasia padčas publičnaha mierapryjemstva, dzie jamu ŭručyli statuetku ŭ vyhladzie samoha Tatarskaha, u jakoj było 400 hramaŭ termabaryčnaha rečyva, jakoje spracavała «jak brytva» ŭ adnosinach da jaho.
Padryŭ Zachara Prylepina
Adnaho ź ideołahaŭ «ruskaha śvietu» Zachara Prylepina, jaki aktyŭna raspaŭsiudžvaŭ u Rasii i daloka za jaje miežami naratyŭ, što ŭkraincaŭ treba zabivać, Maluk nazvaŭ sapraŭdnym vajennym złačyncam.
«Jechaŭ na svaju daču, i pa darozie adbyłosia spracoŭvańnie tankavaj miny. U toj dzień za rulom byŭ jaho kiroŭca, taksama vajenny złačyniec, jaki zabivaŭ našych suhramadzian. Kiroŭca zahinuŭ na miescy, a Prylepin byŭ istotna i ciažka paranieny: byŭ traŭmiravany taz, nohi, i, prabačcie, jon zastaŭsia biez hienitalij. Niachaj jon tak dalej žyvie i atrymlivaje asałodu ad žyćcia», — skazaŭ Maluk.
Likvidacyja funkcyjanieraŭ «ŁNR»
Hienprakuror «ŁNR» Siarhiej Harenka, jaki pryhavorvaŭ da śmiarotnaha pakarańnia ŭkrainskich voinaŭ i suhramadzian, padarvaŭsia ŭ svaim kabiniecie razam sa svaim namieśnikam.
«Darečy, doŭhi čas jany dumali, što rakieta ŭ ich zalacieła. 800 hramaŭ płastydu S-4 było ŭ kabiniecie», — raspavioŭ Maluk.
Ministra ŭnutranych spraŭ «ŁNR» Ihara Karnieta, jaki ŭ 2014 hodzie pierajšoŭ na bok voraha i arhanizoŭvaŭ katavańni ŭkrainskich abaroncaŭ, vybuchoŭka znajšła ŭ barbieršopie :
«Zajšoŭ pahalicca ŭ cyrulniu, kudy jon chadziŭ raz u tydzień. Tam i padarvaŭsia. Praŭda, zastaŭsia žyvy, ciažkim invalidam».
Vasil Maluk dadatkova zaznačyŭ, što Słužba biaśpieki Ukrainy heta nikoli nie paćvierdzić i nie prakamientuje.
Čytajcie jašče:
Ukrainskija telehram-kanały apublikavali VIDEA ź miesca likvidacyi Kivy
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary
Hajdukievičupošletpo tv pokažiet?).