Indyja pačała palavać na «krytyčna važnyja minierały» za miažoj. Pošuk zavioŭ i ŭ Biełaruś
Jak paviedamlaje bujny indyjski kanał Zee Business, kraina pačała aktyŭna šukać mahčymaści zdabyvać «žyćciova važnyja dla svajoj ekanomiki resursy» za miažoj i niadaŭna adpraviła delehacyi ŭ niekalki krain. Siarod ich akazałasia Biełaruś.
Pa infarmacyi telekanała Zee Business, indyjskija delehacyi z udziełam pradstaŭnikoŭ pramysłovych hihantaŭ Hindustan Aluminium Corporation Limited i Adani Enterprises Limited niadaŭna naviedali Čyli, Biełaruś, Arhiencinu i Aŭstraliju.
«Hałoŭnaja meta takich naviedvańniaŭ — zabiaśpiečyć za miažoj zdabyču žyćciova važnych minierałaŭ, jakija majuć vyrašalnaje značeńnie dla pramysłovaha rostu Indyi», — adznačaje kanał.
Zee Business dadaje, što namahańni Indyi vyklikany pramysłovaj ekspansijaj Kitaja ŭ Tybiecie (vysakahornaja aŭtanomnaja vobłaść u składzie Kitaja, jakaja miažuje ź Indyjaj i maje vieličeznyja schoviščy roznych resursaŭ) i za miažoj, što taksama šturchaje Indyju na honku.
Naprykład, u Čyli indyjskaja delehacyja šukaje mahčymaści zdabyvać lityj i miedź. Nakont indyjskich spravaŭ u Biełarusi kanał padrabiaznaściaŭ nie pryvioŭ.
Charakterna, što jašče niadaŭna, pavodle aficyjnaj indyjskaj statystyki, kraina całkam admoviłasia ad biełaruskaha kaliju na karyć rasijskaha. Akramia taho, udvaja źmienšylisia dachody Biełarusi i ad ekspartu kaliju ŭ Kitaj.
Jak ciapier vyhladaje palitźniavoleny Ihar Łosik FOTA8
Kamientary