8 kastryčnika pamior biełaruski mastak, skulptar i hrafik, zasłužany dziejač mastactvaŭ Respubliki Biełaruś Uładzimir Cierabun, paviedamiŭ Biełaruski sajuz mastakoŭ.
Uładzimir Cierabun naradziŭsia 11 krasavika 1946 hoda ŭ vioscy Nieścianiaty Smarhonskaha rajona.
Skončyŭ adździaleńnie skulptury Biełaruskaha dziaržaŭnaha teatralna-mastackaha instytuta, vučyŭsia ŭ prafiesara Andreja Biembiela.
Paśla vučoby Cierabun pierajechaŭ u Hrodna, dzie pracavaŭ amal 30 hadoŭ, z 2001 hoda žyŭ i pracavaŭ u Minsku. Braŭ udzieł u mastackich vystavach z 1974 hoda.
Jamu naležać mnohija raboty jak stankovaha, tak i manumientalnaha charaktaru: skulptury, skulptury z mazaikaj, kampazicyi sa škła i mietału z krynicami aśviatleńnia dla hramadskich budynkaŭ. Jak i ŭ inšych skulptaraŭ, u jaho tvorčaści šmat miesca zajmaje sieryja partretaŭ sučaśnikaŭ. Rabiŭ jon i miemaryjalnyja doški: u Hrodnie (na budynku teatra lalek), Minsku, Smarhoni.
Byŭ aŭtaram miemaryjalnaha kompleksu Dalva (1973), pomnika na vajskovych mohiłkach u Hrodnie (1981), reljefaŭ «Fantazija», «Himn soncu», kampazicyj dekaratyŭnych «Kryłataja» (1989), «Vietraź» (1992), cykła «Skulptura małych form «Rakurs»» (1990—2002), sieryi kieramičnych pasudzin (1993—1998), hrafičnaha cykła «Rakurs» (1986—1996).
Siarod stankovych kampazicyj: «Rasstralanaja pieśnia. Pamiaci Viktara Chary» (1976), «Letapisiec» (1981), «Symon-muzyka», «Apošniaje žnivo» (abiedźvie 1982), «Niepieramožnyja» (1985), «Jaś i Janina» (1987), «Apostały Piotr i Pavieł» dla kaścioła sv. Andreja ŭ Słonimie, «Hospadzi, vieru tabie» dla biernardzinskaha kaścioła ŭ Hrodnie (1996), «Fłora i faŭna» (1997), «Mielpamiena» (2001), «Elehija» (2003).
Bolš za 50 svaich skulptur pieradaŭ u padarunak biełaruskim muziejam u Hrodnie, Smarhoni, Lidzie, vioscy Hudzievičy Mastoŭskaha rajona.
Pachavajuć Uładzimira Cierabuna ŭ Smarhoni.
Dźmitryjeŭ raskazaŭ niemcam, čaho Łukašenka moža chacieć ad Jeŭropy6
Kamientary