Uzbrojenyja siły Rasii nanieśli kambinavany rakietna-dronavy ŭdar pa Kijevie ŭpieršyniu za apošnija 73 dni, zajaviŭ kiraŭnik haradskoj vajennaj administracyi Siarhiej Papko.
Pavodle jaho słoŭ, u atacy, vierahodna, byli zadziejničany kryłatyja rakiety pavietranaha baziravańnia, balistyčnyja rakiety KN-23 / KN-24 / «Iskander-M», bieśpiłotniki typu Shahed i inšych typaŭ.
Pavietranuju tryvohu ŭ Kijevie abviaścili a pałovie siomaj ranicy z-za pahrozy napadu dronaŭ, i ŭ hety čas kryłatyja rakiety ŭžo nakiroŭvalisia ŭ napramku Kijeŭskaj vobłaści, paviedamiŭ Papko ŭ telehramie, piša Bi-bi-si.
«Kali rakiety ŭžo zachodzili na Kijeŭ, praciŭnik adnačasova nanios balistyčny ŭdar pa stalicy. Zaviaršyłasia varožaja ataka znoŭ bieśpiłotnikami», — napisaŭ jon.
Ataka na Kijeŭ, pa słovach Papko, praciahvałasia bolš za dźvie hadziny. Było źniščana «niekalki kryłatych, niekalki balistyčnych rakiet i da dziasiatka dronaŭ».
Pavietranyja siły USU pakul nie davali spravazdaču ab adbićci ataki. Rasija aficyjna nie kamientavała masiravany ŭdar pa Kijevie.
Infarmacyi ab razbureńniach abo paciarpiełych u Kijevie nie pastupała, zajaviŭ kiraŭnik haradskoj vajennaj administracyi.
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što75
Kamientary