Na vybarach prezidenta Charvatyi pieramoh Zoran Miłanavič. Jon suprać padtrymki Ukrainy
U druhim tury prezidenckich vybaraŭ u Charvatyi pieramohu atrymaŭ kiraŭnik dziaržavy Zoran Miłanavič, jaki nabraŭ amal 74,7% hałasoŭ vybarščykaŭ, piša Radyjo Svaboda.
Supiernik Miłanaviča, były ministr adukacyi Drahan Prymarac, atrymaŭ 25,3% hałasoŭ. Jašče 3,8% vybarščykaŭ, jakija pryjšli na ŭčastki, sapsavali biuleteń, upisaŭšy ŭ jaho trecich kandydataŭ ci zajaviŭšy, što im nie padychodzić ni adzin z pradstaŭlenych. Adnak ich vybar pry padliku nie ŭličvaŭsia. Jaŭka na vybary skłała amal 44,2%.
Pieršy tur prezidenckich vybaraŭ adbyŭsia 29 śniežnia. Tady ni adzin z kandydataŭ nie nabraŭ 50% hałasoŭ: Miłanaviču dla pieramohi nie chapiła kala adnaho pracenta.
Miłanavič zajmaje pasadu prezidenta ź lutaha 2020 hoda. Raniej jon uznačalvaŭ Sacyjał-demakratyčnuju partyju Charvatyi. Miłanavič nieadnarazova krytykavaŭ Ukrainu, nazyvajučy jaje najbolš karumpavanaj krainaj śvietu, i vystupaŭ suprać dapamohi Kijevu z boku Jeŭrasajuza i NATA.
Prezident taksama rehularna ŭstupaje ŭ kanflikty z premjer-ministram Andrejem Plenkavičam. Prazachodnija palityki asudžajuć Miłanaviča za jaho prarasijskuju pazicyju ŭ dačynieńni da kanfliktu pamiž Maskvoj i Kijevam.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia3
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary