Namieśnik ministra zamiežnych spraŭ Biełarusi Siarhiej Łukaševič prybyŭ u Kabuł dla sustrečy z pradstaŭnikami Talibana, paviedamlaje MZS Isłamskaha Emirata Afhanistan, piša REFORM.news.
Z Łukaševičam sustreŭsia namieśnik ministra zamiežnych spraŭ Isłamskaha Emirata Afhanistan pa palityčnych pytańniach Al-Chadžy Šer Muchamad Abas Staniekzaj (Al-haj Sher Muhammad Abbas Stanekzai).
Čałaviek z takim imiem uvachodzić u pieralik arhanizacyj i fizičnych asob, jakija, pa viersii KDB Biełarusi, majuć dačynieńnie da terarystyčnaj dziejnaści. Jon taksama ŭvachodzić u sankcyjny pieralik Kamiteta Savieta Biaśpieki AAN.
«Na sustrečy byli padkreśleny ahulnyja ekanamičnyja i palityčnyja intaresy, a taksama mahčymaści dla ŭzajemnaha supracoŭnictva pamiž Afhanistanam i Biełaruśsiu», — havorycca ŭ paviedamleńni MZS Afhanistana.
Pradstaŭnik talibaŭ nazvaŭ vizit svajho biełaruskaha kalehi ŭ Kabuł «važnym krokam napierad va ŭmacavańni dvuchbakovych adnosin». Jon dadaŭ, što «heta dobry start dla raźvićcia doŭhaterminovaha supracoŭnictva».
Biełaruski dypłamat «vykazaŭ stanoŭčy namier svajho ŭrada naładzić supracoŭnictva z Afhanistanam u roznych siektarach».
Na zakančeńnie baki damovilisia pradoŭžyć abmierkavańnie praz techničnyja hrupy, jakija bazirujucca ŭ Kabule i Minsku, z metaj dalejšaha pašyreńnia i pahłybleńnia halin supracoŭnictva.
U paviedamleńni afhanskaha MZS biełaruskaha čynoŭnika nazvali Mr. Luka Shchavich.
.
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach4
Kamientary
Płochije — eto sobstviennyje hraždanie (ich bolšie vsieho v śpiskie KHB), kotoryje sidiat užie zdieś v tiuŕmach, a chorošije — eto mieždunarodnyje, kotorych prinimajut v MID.