U Rasii źniali z prodažu knihu pra Varšaŭskaje hieta paśla danosaŭ Z-aktyvistaŭ
Z-aktyvistaŭ aburyła zhadka ŭ knizie, što ŭ 1945 hodzie vajskoŭcy Čyrvonaj Armii hvałtavali žančyn u Krakavie. Jany nazvali heta «zaviedama iłžyvymi źviestkami».
Kniha Ciłar Macea «Dzieci Ireny» pryśviečana Irenie Sendleravaj, polskaj aktyvistcy ruchu supracivu, jakaja vyratavała z Varšaŭskaha hieta 2500 jaŭrejskich dziaciej.
U Z-kanałach aburylisia cytataj z knihi, u jakoj zhadvajucca zhvałtavańni žycharak Krakava savieckimi sałdatami.
«Paźniej miascovyja raspaviali joj, što ŭ 1945 hodzie, u samym kancy vajny, Čyrvonaja Armija praśledavała adstupajučych niemcaŭ. Adnak Polščy prychod savieckich vojskaŭ asablivaj radaści nie prynios. Tolki niešmatlikija žančyny ŭ Krakavie — ad školnic da samych staražytnych babcia — paźbiehli zhvałtavańnia», — havorycca ŭ knizie.
Pradstaŭniki vydaviectva «Eksmo» źniali knihu z prodažu i adpravili na «dadatkovuju ekśpiertyzu». U dačynieńni da supracoŭnikaŭ vydaviectva, jakija dapuścili knihu da druku, viadziecca «ŭnutranaje dyscyplinarnaje raźbiralnictva», paviedamlajecca ŭ pres-relizie.
-
U Bielhii miascovych žycharoŭ zaklikali nie vykidać jełki, a… źjeści ich. Prapanavali navat stravy
-
Šviejcaryja zajaviła pra hatoŭnaść pryniać sustreču Pucina i Trampa pa rasijska-ŭkrainskaj vajnie
-
«Rasija nikoli nas nie padmanvała, u adroźnieńnie ad Ukrainy». Słavacki premjer pahardliva vykazaŭsia pra Zialenskaha i ŭkraincaŭ
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach2
Kamientary