Čarnicy akazalisia pad pahrozaj źniknieńnia pa ŭsim śviecie
Da tryvožnych vysnoŭ pryjšli amierykanskija daśledčyki.
Pra heta piša «Zialony partał».
Pra pahrozu źniknieńnia čarnic papiaredžvajuć navukoŭcy z Univiersiteta štata Paŭnočnaja Karalina.
Pryčyna ŭ raspaŭsiudžańni mučnistaj rasy — hrybkovaha zachvorvańnia, jakoje pahražaje suśvietnaj čarničnaj industryi.
Hrybok Erysiphe vaccinii, jaki vyklikaje zachvorvańnie, za apošnija 12 hadoŭ vyjšaŭ za miežy Paŭnočnaj Amieryki i raspaŭsiudziŭsia na niekalki kantynientaŭ, adznačajuć daśledčyki.
Pa ich danych, infiekcyja paražaje raśliny, pakryvajučy ich biełym nalotam, što pieraškadžaje fotasintezu i źmianšaje pažyŭnyja rečyvy. Heta pryvodzić da značnaha źnižeńnia ŭradžajnaści i patrabuje vykarystańnia darahich funhicydaŭ.
Asnoŭnaj pryčynaj raspaŭsiudžvańnia mučnistaj rasy navukoŭcy nazyvajuć čałaviečuju dziejnaść: transpartavańnie zaražanych sadžancaŭ čarnicy na vialikija adlehłaści spryjaje praniknieńniu hrybka ŭ novyja rehijony.
Daśledavańnie taksama pakazała, što hrybok za miežami Paŭnočnaj Amieryki razmnažajecca pieravažna biaspołym šlacham. Heta robić jaho bolš ustojlivym da źniešnich uździejańniaŭ i ŭskładniaje baraćbu z zachvorvańniem.
Navukoŭcy papiaredžvajuć: kali nie pryniać terminovyja miery, suśvietnyja vytvorcy čarnicy mohuć panieści značnyja ekanamičnyja straty. Jany zaklikajuć fiermieraŭ, daśledčykaŭ i ŭrady abjadnać namahańni ŭ baraćbie z mučnistaj rasoj.
Vyjšaŭ na svabodu 76-hadovy Siamion Dobkin, brat zasnavalnika EPAM7
Vyjšaŭ na svabodu 76-hadovy Siamion Dobkin, brat zasnavalnika EPAM
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary