Bolš za miesiac praciahvajuć sudzić leśnika z Porazava — jamu pahražaje da 12 hadoŭ za «tysiačy kamientaroŭ»
Vitoldu Šałkieviču 44 hady. Jon rodam ź miastečka Porazava Śvisłackaha rajona. U mužčyny jość žonka i dźvie niepaŭnaletnija dački, piša «Viasna».
Vitolda zatrymali ŭ žniŭni 2023 hoda prosta na pracy. Spačatku prysudzili aryšt za «raspaŭsiud ekstremisckich materyjałaŭ». Paśla hubazikaŭcy źniali ź im videa i pieraviali ŭ SIZA. Pavodle praŭładnych telehram-kanałaŭ, Šałkievič pakinuŭ niekalki tysiač kamientaroŭ u roznych čatach.
Sud nad Vitoldam raspačaŭsia 9 śniežnia ŭ Hrodzienskim abłasnym sudzie.
Jaho abvinavačvajuć u «abrazie Łukašenki» (č. 1 i č. 2 art. 368 KK), «arhanizacyi abo ŭdziele ŭ dziejańniach, jakija parušajuć hramadski paradak» (č. 1 art. 342 KK), «ździeku ź dziaržaŭnych simvałaŭ» (art. 370 KK), «abrazie sudździ» (art. 391 KK), «abrazie pradstaŭnika ŭłady» (art. 369 KK) i «raspalvańni varožaści» (č. 1 i č. 3 art. 130 KK).
Spravu razhladaje sudździa Rusłan Huryn.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?11
Kamientary