U rajonie Łos-Andželesa abvieščana «asabliva niebiaśpiečnaja situacyja»
Sinoptyki čakajuć, što ŭ rehijonie moža znoŭ paŭtarycca situacyja, jakaja pryviała da razburalnych pažaraŭ, jakija dahetul nie patušanyja, piša «Hołas Amieryki».
Miljony žycharoŭ Paŭdniovaj Kalifornii znachodziacca ŭ stanie tryvožnaha čakańnia ŭ suviazi z prahnozami čarhovaj chvali pažaraniebiaśpiečnaha nadvorja, a taksama papiaredžańniem ab «asobna niebiaśpiečnaj situacyi», abvieščanym u rajonie, dzie ŭ vyniku dvuch razburalnych pažaraŭ zahinuli nie mienš za 25 čałaviek, a tysiačy damoŭ byli źniščanyja.
Pažar «Itan», jaki achapiŭ terytoryju na poŭnač ad Łos-Andželesa, i pažar «Palisejds», jaki źniščyŭ bolšuju častku prybiarežnaha rajona Pasifik-Palisejds, pačalisia 7 studzienia va ŭmovach, padobnych na tyja, što čakajucca ŭ sieradu. Na minułym tydni mocnyja viatry sadziejničali imklivamu raspaŭsiudžvańniu połymia, raznosiačy raspalenyja čaścinki na mnohija kiłamietry.
Nacyjanalnaja mieteasłužba vypuściła papiaredžańnie ab asobna niebiaśpiečnaj situacyi, jakoje abviaščajecca pry spałučeńni vysokaj tempieratury, nizkaj vilhotnaści i mocnaha vietru. Papiaredžańnie dziejničaje z 3 hadziny nočy da 3 hadziny dnia i achoplivaje terytoryju praciahłaściu kala 440 kiłamietraŭ — ad Centralnaha ŭźbiarežža da miažy ź Mieksikaj. Zony asobna niebiaśpiečnaj situacyi ŭklučajuć častki akruhaŭ Łos-Andželes i Vientura.
«Hałoŭnaje pasłańnie: niebiaśpieka jašče nie minuła, — havorycca ŭ paviedamleńni mieteasłužby, apublikavanym u aŭtorak. — Siońnia viecier asłab, ale ŭžo zaŭtra jon moža ŭzmacnicca znoŭ».
Bolš za 77 tysiač siemjaŭ zastalisia biez elektryčnaści, pakolki kamunalnyja słužby adklučyli padaču elektraenierhii, kab praduchilić mahčymyja ŭzharańni z-za paškodžanych linij elektrapieradačy.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?20
Kamientary