На кожным з самалётаў Norwegian — выява гістарычнай асобы Нарвегіі. Чаму б такое не зрабіць «Белавія»?
Што мы ведаем пра Нарвегiю? Не надта шмат, гэта факт. Ну, вядома ж, ведаем нешта пра фіёрды, пра Осла, або пра тое, што iх знакамiты бiятланiст Оле-Эйнар Б'ёрндален пабраўся шлюбам з нашай зоркай бiятлону Дар'яй Домрачавай.
Хутчэй за ўсё, яны ведаюць пра Беларусь, цi як яны яе завуць Hviterussland, яшчэ менш. Самалёты з Мiнску у Осла не лётаюць, iх амбасады ў Мiнску няма, як няма i нашае амбасады ў Осла. Але гэтая маленькая краiна ганарыцца сваёй гiсторыяй i iмкнецца да таго, каб пра Нарвегiю даведалася як мага больш людзей. Iх гiсторыя вандруе па ўсім свеце, дзякуючы намаганням нарвежскай авіякампаніi Norwegian.
На кожным з iх самалётаў -- выява цi то выбiтнага нарвежскага паэта, цi то славутага палiтычнага дзеяча. Змагары за свабоду, героі нарвежскага руху супраціву часу Другой сусветнай вайны, фалькларысты і навукоўцы… Усе яны вандруюць па свеце разам з Norwegian.
А зараз адкажыце, цi ж можаце вы ўявiць самалёт «Белавiя», на якiм выява Васіля Быкава, Томаша Зана або Якуба Коласа?! Эх, пра гэта можна толькi марыць, на вялiкi жаль…
…ляцела з Вiльнi ў самалёце Norwegian, i так крыўдна зрабiлася за родную Беларусь…
Лукашэнка хоча, каб кіраўнікі райвыканкамаў прызначалі і дырэктараў прыватных структур26
Каментары