Арышты ў кампаніі, якую ўзначальвае брат заснавальніка ЕРАМ Аркадзя Добкіна
Адбыўся рэйд сілавікоў у брэсцкую кампанію ГСКБ, якую ўзначальвае 75-гадовы Сямён Добкін, брат заснавальніка ЕРАМа Аркадзя Добкіна. Ці затрыманы сам Сямён, пэўнай інфармацыі няма.
Па інфармацыі «Нашай Нівы», на мінулым тыдні ў кампаніі адбыліся арышты, было затрымана некалькі чалавек. Суразмоўцы кажуць, што чулі ад супрацоўнікаў кампаніі пра сувязь арыштаў начальства з карупцыяй.
Ці ёсць сярод затрыманых заснавальнік — няясна. Дазваніцца да Сямёна Добкіна наўпрост ці звязацца з ім праз прыёмную пакуль немагчыма.
Сямён Добкін — старэйшы брат Аркадзя Добкіна, заснавальніка ЕРАМа, які цяпер жыве ў ЗША і не прыязджае ў Беларусь пасля таго, як Лукашэнка назваў яго «дробкіным».
Сямёну Добкіну 75 год.
Чытайце таксама: Бізнэсмен Сямён Добкін: Я праціўнік інтэграцыі. І трэба адміністратыўна ўкараняць беларускую мову
Малодшы з братоў, Аркадзь, па словах супрацоўнікаў ЕРАМ, неаднаразова выкарыстоўваў троху мадыфікаваную цытату брата з гэтага інтэрв'ю пры расповедзе калектыву пра сябе: «Я габрэй, я беларус».
***
Брэсцкае ГСКБ (Галоўнае спецыялізаванае канструктарскае бюро), паводле іхняга сайта, з'яўляецца найбуйнейшай цеплатэхнічнай кампаніяй на тэрыторыі Беларусі.
Працуе на ўнутраным рынку і рынках СНД, выпускае воданагравальныя і паравыя катлы на вадкім і цвёрдым паліве, гарэлкі, утылізатары, блочна-модульныя кацельні і іншае інжынернае абсталявання для жыллёва-камунальных гаспадарак, а таксама будаўнічых арганізацый і іншых суб'ектаў сацыяльнага прызначэння.
Абсталяванне вытворчасці ГСКБ выкарытоўваецца на курорце «Сілічы», Нацыянальнай бібліятэцы, магілёўскім «Трансмашы» і многіх іншых месцах.
«Наша Нiва» — бастыён беларушчыны
ПАДТРЫМАЦЬШто запісана афіцыйнай прычынай смерці адзінага сына Ярмошынай?9
Каментары
Эміграцыя ж на сітуацыю ніяк не ўплывае. Зноў чакаем цудаў і чорных лебядзей.
Тым жа меерхольду міхоєлєсу мандєльштамув ернаподаннства джугашвілі ні дапамагло і здрадніцтва сваіх коллег