«Зваротаў усё больш». Гігін анансаваў перайменаванне вуліцы Каліноўскага ў Мінску
Мясцоваму скверу іншую назву ўжо прыдумалі.
Сквер, які знаходзіцца ў Мінску на вуліцы Каліноўскага, назвалі «Яблыневым». Са слоў дэпутата Вадзіма Гігіна, гэта зрабілі для таго, каб адысці ад народнай назвы «Сквер на Каліноўскага».
Учора ў скверы з нагоды 55-годдзя Першамайскага раёна высадзілі яблыні, у мерапрыемстве ўзяў удзел і Гігін.
У сваім тэлеграм-канале прапагандыст пахваліўся, што ў беларускай тапаніміцы застаецца ўсё менш месцаў, звязаных з Кастусём Каліноўскім — яго Гігін чарговы раз назваў «польскім рэвалюцыянерам-тэрарыстам».
Гігін таксама анансаваў перайменаванне вуліцы Каліноўскага. Ён заявіў, што яму нібыта паступае ўсё больш зваротаў грамадзян з гэтай нагоды, і ён упэўнены, што вуліцу пераймянуюць.
У снежні гімназію ў Свіслачы, якая насіла імя Каліноўскага, перайменавалі ў гонар падпольшчыцы Праскоўі Васіленкі.
У Чарнігаве могуць з'явіцца вуліца і завулак Кастуся Каліноўскага
На віленскіх могілках Росы ўшанавалі Каліноўскага і паўстанцаў. Паднялі і беларускі сцяг ФОТЫ
«Фактычна мы павінны падзякаваць за гэтыя знаходкі». Расійскі імперскі гісторык апублікаваў невядомыя лісты Кастуся Каліноўскага, якія яго вобразу ніяк не шкодзяць
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары