У варшаўскім раёне Макотаў адбылося сур'ёзнае ДТЗ, справакаванае, як сцвярджаецца, таксістам з Беларусі. Кіроўца Uber не саступіў дарогу аўтамабілю маркі BMW, паведамляе Most.
Адбылося сутыкненне, у выніку якога BMW перакулілася, вылецела з дарогі і ўрэзалася ў групу пешаходаў. Раненні атрымалі шэсць чалавек, уключаючы кіроўцу BMW.
Як піша Gazeta Wyborcza, інцыдэнт адбыўся незадоўга да 15.00 у нядзелю, 9 чэрвеня. Таксіст Uber на аўтамабілі Toyota ехаў па вуліцы Пулаўскай, ён вёз пасажыра. На адным са скрыжаванняў пры павароце налева ён не прапусціў BMW, якая, па папярэдніх звестках, ехала з хуткасцю, што перавышае дапушчальную.
У выніку машыны сутыкнуліся. Ад удару BMW страціла кіраванне, вылецела з дарогі, знесла прыдарожны слуп і сметнік і ўрэзалася ў групу пешаходаў, якія пераходзілі вуліцу па пешаходным пераходзе. Пяцярых пешаходаў шпіталізавалі, у тым ліку дваіх — у цяжкім стане.
Кіроўца Toyota не пацярпеў, яго затрымалі і дапыталі, аднак абвінавачванні яму не прад'явілі. Паводле паведамлення рэсурсу Miejski Reporter, за рулём таксі быў грамадзянін Беларусі. Вадзіцеляў праверылі на алкаголь — абодва аказаліся цвярозымі. Абставіны справы высвятляе паліцыя Варшавы.
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»34
Каментары