Лукашэнка: Беларусы не плацяць за ваду столькі, колькі яна каштуе
Падчас урачыстага пуску артэзіянскай вады ў Мінску Лукашэнка раскрытыкаваў беларусаў за бесшабашнае стаўленне да рэсурсаў.
Лукашэнка лічыць, што беларусы бесшабашна ставяцца да лясоў, зямлі, бытавых адкідаў і вады.
«Мяне больш за ўсё турбуе тое, што мы часам бесшабашна ставімся да тых рэсурсаў, якімі валодаем. Тое ж самае ў нас па цвёрдых бытавых адкідах. Тое ж самае ў нас па вадзе», — заявіў Лукашэнка. На яго думку, многія прывыклі лічыць ваду танным рэсурсам. Аднак гэта не так, піша БелТА.
«Вы, як ніхто іншы, разумееце, што гэта дарагая рэч — прасвідраваць свідравіну, падняць ваду, прапампаваць яе, яшчэ раз даачысціць», — сказаў Лукашэнка, звяртаючыся да работнікаў «Мінскводаканала».
Ён дадаў, што ўсё гэта датуецца з бюджэту, а беларусы, з ягоных слоў, недаплачваюць.
«Вы не плаціце за ваду столькі, колькі яна каштуе. Таму беражыце, калі ласка, ваду, як і іншыя рэсурсы. Беражлівасць заўсёды была ўласцівая нашаму народу. Трэба захаваць гэтыя падыходы», — адзначыў Лукашэнка.
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»16
Каментары