У Івацэвіцкім раёне мужчына прабіваў адбойным малатком адтуліну ў калодзежы і загінуў
39-гадовы жыхар Івацэвічаў вырашыў зрабіць уразанне ў каналізацыйны калодзеж і для гэтага адбойным малатком прабіваў адтуліну каля свайго дома.
Мужчына загінуў. Яго цела ў траншэі на наступную раніцу знайшлі сваякі. Медыкі прыехалі на месца і канстатавалі смерць, паведамляе Дзяржаўны камітэт судовых экспертыз.
«Устаноўлена, што пры правядзенні работ у траншэі з выкарыстаннем электрычнага абсталявання адбылося кароткае замыканне. Згодна з заключэннем экспертаў, смерць мужчыны наступіла ад паражэння тэхнічным электрычным токам», — гаворыцца ў паведамленні ДКСЭ.
Эксперты нагадваюць, што пры працы з электрычнасцю нельга дакранацца да абсталявання і спрабаваць рамантаваць электраабсталяванне і ланцугі мокрымі рукамі, а таксама выкарыстоўваць зношаныя шнуры з пашкоджанай ізаляцыяй.
Магчыма, разгортваецца новая аперацыя зачысткі. Інфармацыя пра затрыманні прыходзіць з розных рэгіёнаў краіны2
Каментары