Amataraŭ narodnaj kultury zaprašajuć 20 lipienia na etnafiestyval Kolyska
20 lipienia ŭ ahraharadku Łukava Małaryckaha rajona projdzie etnafiestyval Kolyska. Amataraŭ narodnaj kultury i dobraha adpačynku čakajuć majstar-kłasy, tvorčyja sustrečy, konkurs kaściumaŭ, vyraby majstroŭ, naturalnyja pradukty, «zialony» adpačynak (namiotavy haradok, sup-siorfinh) i dobraja muzyka.
U centry padziej budzie kancert vykanaŭcaŭ z Bresta i piaci rajonaŭ Bieraściejščyny. Heta budzie aŭtentyčny falkłor, charavyja i estradnyja apracoŭki tradycyjnych tvoraŭ, aŭtarskaja pieśnia, vytrymanaja ŭ narodnym styli.
Kancert dziciačych kalektyvaŭ pačniecca a 16:00, viačerni kancert — a 18:00.
Prahramu vystupaŭ hladzicie na sajcie arhanizataraŭ.
Heta budzie pryhoža, miescami kranalna i čaroŭna.
Jak dabracca na etnafiestyval? Z Bresta ŭ subotu 20 lipienia idzie pramy aŭtobus Brest-N. Zabałoćcie (praz Łukava). Adpraŭleńnie z aŭtavakzała a 6:45. Na mižnarodnaj trasie Je85 ruch davoli intensiŭny, ad jaje da centra vioski 3,5 kiłamietra. Vadzicielaŭ aŭtobusaŭ na Kovielskim napramku možna paprasić spynicca la Užova: pavarot na Łukava, viadomy pa darožnym ukazalniku i znaku SVK «Čyrvony partyzan».
Kolki kaštuje ŭvachod? Kolyska — niekamiercyjny prajekt. Uvachod volny na ŭsie placoŭki festa.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary