Ramont paciahnuŭ amal na poŭny košt arandavanaj mašyny.
«Byvaje, idu pa vulicy, mima karšerynh pranosicca. Dumaju, čałaviek jašče nie razumieje, u jakuju niepryjemnuju situacyju moža trapić», — tak pačynaje svaju historyju Anton.
Sam jon u hetuju situacyju ŭžo trapiŭ. Pamiaŭ Volkswagen Polo i zastaŭsia vinien servisu karšerynhu $10 tysiač. Ciapier choča pa sudzie damahčysia «spraviadlivaha» pieraraźliku. Tochka.by raźbirałasia ŭ situacyi.
Pierabłytaŭ piedali
Anton uziaŭ pakatacca Volkswagen Polo ŭ karšerynhu Anytime u lutym 2023 hoda.
Viečar. Pry zajeździe na parkoŭku handlovaha centra Anton pierabłytaŭ piedali — dośvied kiroŭcy nievialiki. Zalacieŭ na bardziur — pieradok aŭto rassypaŭsia, tresnuła łabavoje škło, strelili paduški biaśpieki.
Chłopiec adrazu ž patelefanavaŭ u Anytime. I praz chvilin 20 pryjechaŭ pradstaŭnik servisu. Krychu paźniej — inśpiektary DAI.
Ahledzieli miesca, namalavali schiemu, zafiksavali, što Anton byŭ ćviarozy.
Pakul nie pryjechaŭ evakuatar — chviliny biehli. Usiaho vyjšła 40 rubloŭ za niaŭdałuju pajezdku.
Ahlad paciarpiełaha
Na nastupnuju ranicu Anytime paklikaŭ Antona na ahlad transpartnaha srodku — zafiksavać paškodžańni.
«Ja nie pryjechaŭ, i heta maja hałoŭnaja pamyłka», — kaža Anton, jaki zavočna padpisaŭ akt ahladu.
Naličyli ramontu na kaśmičnyja Br 51 800. Ale z ulikam amartyzacyi Volkswagen Polo ceńnik źniziŭsia da 26 500 rubloŭ (u lutym heta było bolš za 9 800 dalaraŭ).
Heta amal poŭny košt raŭnacenna ŭžyvanaha aŭto, u jakoha bolš za 100 tysiač km prabiehu.
Prapanavali rasterminoŭku płaciažoŭ na hod — pa 2230 rubloŭ kožny miesiac.
«Ja idu ŭ sud»
Anton — kuchar, atrymlivaje 1500 rubloŭ. Nazapašanyja hrošy pakryli pałovu vystaŭlenaha rachunku, ale bolš hrošaj niama.
Nabraŭsia śmiełaści, vyrašyŭ iści ŭ sud. Naniaŭ advakata. Skłaŭ pazoŭnuju zajavu. Choča admianić dasudovaje pahadnieńnie i pierahledzieć metazhodnaść vystaŭlenaha raźliku za ramont.
«Pryznaju svaju vinu. I hatovy pakryć ramont. Ale ciapierašni raźlik — kabalny», — ličyć chłopiec.
Tym bolš, Anton za rulom byŭ ćviarozy, chutkaść nie pieravyšaŭ, u pieršy raz taki zalot.
Što kaža karšerynh
Žurnalist źviarnuŭsia ŭ Anytime. I voś što jamu adkazali:
«My pahladzieli padrabiaznaści pa vašym zapycie i trochi ździŭleny, što vy chočacie pra heta pisać ciapier. Sam incydent adbyŭsia ŭ lutym 2023 hoda, amal hod tamu. DTZ zajmałasia DAI. Vina klijenta była vyrazna ŭstanoŭlena i zadakumientavana, pracedura acenki škody pravodziłasia sumiesna z klijentam, i jon pahadziŭsia z umovami i koštam.
Bolš za toje, klijent uvieś hety čas častkami kampiensavaŭ škodu. I ŭ dadzienym vypadku, nam nie vielmi zrazumieła, u čym pryčyna niazhody klijenta ciapier i čamu amal praz hod hetaje pytańnie vyklikała cikavaść. My nie hatovyja davać kamientary ŭ takim vypadku, bo dla siabie hetuju historyju ličym prapracavanaj i zavieršanaj».
Vychodzić, kali biareš mašynu ŭ arendu — varta, jak minimum, uvažliva pačytać karystalnickaje pahadnieńnie pierad tym, jak sieści za rul. I vyrašyć dla siabie: moža, lepš na taksi?
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu8
Kamientary