Pažary ŭ Łos-Andželesie pačynajuć ścichać, u paciarpiełych rajonach bajacca maradzioraŭ
Ahoń źniščyŭ cełyja žyłyja kvartały Łos-Andželesa, u tym liku damy niekatorych halivudskich kinazorak. Kala 180 tysiač čałaviek evakujavana, zahinuli prynamsi 11 čałaviek.
Supracoŭniki amierykanskich avaryjnych słužbaŭ čaćviorty dzień zapar sprabujuć patušyć razburalnyja pažary, što ŭźnikli ŭ Łos-Andželesie. U piatnicu mocnyja viatry, jakija spryjali chutkamu raspaŭsiudžvańniu ahniu, pačali ścichać, što dało mahčymaść pažarnym uziać pad kantrol asobnyja ačahi ŭzharańnia. U niekatorych paciarpiełych rajonach abvieščana kamiendanckaja hadzina, kab nie dapuścić maradziorstva, piša Bi-bi-si.
Ahoń źniščyŭ cełyja žyłyja kvartały Łos-Andželesa, u tym liku damy niekatorych halivudskich kinazorak. Kala 180 tysiač čałaviek evakujavana, zahinuli prynamsi 11 čałaviek.
Na piatnicu ŭ Łos-Andželesie ŭsio jašče bušavali jak minimum try mahutnyja pažary.
Samy bujny ź ich, u rajonie Pasifik-Palisiejds (dzie znachodziacca damy mnohich znakamitaściaŭ), uziaty pad kantrol tolki na 8%, pry ahulnaj płoščy kala 82,5 km². Inšy pažar, «Itan», achapiŭ kala 65 km², i pažarnym udałosia patušyć jaho tolki na 3%. Treci pažar, «Kienet», pačaŭsia ŭ čaćvier dniom na poŭnač ad Palisiejds, jaho płošča składaje kala 4 km², i jon uziaty pad kantrol na 35%.
Dva inšyja pažary — «Chierst» i «Lidzija» — amal całkam patušany. U čaćvier pažarnym udałosia spynić raspaŭsiud ahniu ŭ pahorkach nad znakamitym Halivudskim bulvaram, dzie raźmieščana «Aleja słavy» šou-biznesu.
U piatnicu viecier, jaki razdźmuvaŭ ahoń, krychu sucich. Pavodle danych amierykanskaj mieteasłužby, u vychodnyja jaho chutkaść składzie kala 30 km/h, z asobnymi paryvami ad 56 da 80 km/h. Dla paraŭnańnia, dva dni tamu chutkaść viatra dasiahała amal 130 km/h.
Kamiendanckaja hadzina i maradziorstva
Uviečary ŭ piatnicu miascovyja ŭłady abviaścili kamiendancki čas z 18:00 da 06:00 u rajonach Pasifik-Palisiejds i Itan, žychary jakich pakinuli svaje damy z-za pažaraŭ. Heta źviazana z aściarohami, što pustyja damy, u tym liku asabniaki koštam šmat miljonaŭ dalaraŭ, mohuć być abrabavany.
«Jość vidavočnyja prykmiety, što adbyvajecca maradziorstva. Jość vidavočnyja prykmiety, što niekatoryja ludzi nakiroŭvajucca ŭ rajony, dzie žyvuć paciarpiełyja ad biedstva, i zajmajucca maradziorstvam», — zajaviŭ Bajden.
Dla praduchileńnia rabavańniaŭ u rajony Palisiejds i Itan nakiravali 210 supracoŭnikaŭ palicyi.
U liku tych, čyje damy źniščany ahniom, akazałasia i žycharka rajona Palisiejds, žurnalistka Lusi Šeryf, jakaja zajmajecca pytańniami klimatu. Jana apisvaje, jak spačatku ŭbačyła pažary na pahorkach nad jaje rajonam, a potym ahoń chutka pačaŭ spuskacca.
«Ja adčuła, jak chutka źmianiaŭsia viecier, jon razdźmuvaŭ haračy popieł i dym pa ŭsim pasieliščy. Ja bačyła, jak raspaŭsiudžvaŭsia ahoń, jon niby skakaŭ z adnaho miesca ŭ druhoje, a nieŭzabavie pačaŭ atačać Palisiejds», — piša žurnalistka.
«Karcina była prosta apakaliptyčnaja: jarka čyrvonaje sonca afarboŭvała ŭsio aranžavym źziańniem, a ź nieba, jak śnieh, padaŭ popieł», — praciahvaje Šeryf.
Žurnalistka vyrašyła evakujavacca, kali stała zrazumieła, što jaje dom chutka moža zaharecca. A paśla viartańnia jana ŭbačyła, što na miescy jaje kvatery — i jašče kala 20 susiednich — zastałasia tolki hruda dymiačych abłomkaŭ. Pa słovach žurnalistki, pažar źniščyŭ kala 90% jaje rajona.
Asnoŭnyja ličby pažaraŭ u Kalifornii:
- Kala 180 tys. čałaviek evakujavana;
- Zahinuła prynamsi 11 čałaviek;
- Źniščana kala 10 tys. budynkaŭ;
- Chutkaść vietru padčas pažaraŭ dasiahała amal 130 km/h;
- Pavodle danych mieteaservisu AccuWeather, pažary nanieśli škodu na $135-150 młrd.
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład3
Kamientary