Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA

Z 1993 pa 2018 hod Anžalina Mikulskaja pracavała na telebačańni (apošnija 10 hadoŭ — na pasadzie Dyrektara dyrekcyi śpiecyjalnych prajektaŭ telekanała ANT). Jana viadomaja jak aŭtarka i pradziusierka teleprajektaŭ «Ja śpiavaju!», «Talent krainy», «Akademija talentaŭ», «Honar nacyi».

U jakaści režysiorki Mikulskaja staviła kancerty da Dnia Niezaležnaści kala steły «Minsk — horad-hieroj», Respublikanskaha fiestyvalu nacyjanalnych kultur u Hrodnie, fiestyvalu «Muzyčnyja viečary ŭ Mirskim zamku», finalnaha šou konkursu pryhažości «Mis Supiernešenł 2013», kancert paśla vybaraŭ u 2015-m. Taksama Anžalina režysavała muzyčnyja premii «Pieśnia hoda Biełarusi». Tradycyjnymi kancertami ŭ Aleksandryi, dzie Łukašenka lubić śviatkavać Kupalle, jana taksama zajmałasia.

Šou «Hieroi» na BT, u jakim siarod viadučych była ŭnučka Łukašenki Darja, — heta taksama vynik pracy Anžaliny, bo jana była saaŭtarkaj i režysiorkaj-pastanoŭščycaj teleprajekta.

Razam ź siamjoj Mikulskaja sustrakała Novy hod u Vielikabrytanii.

Pačałasia vandroŭka z Łondana, dzie Anžalina pajšła ŭ teatr «Daminijon» hladzieć miuzikł «Djabał nosić Prada» (premjera adbyłasia letaś u kastryčniku), aryhinalnuju partyturu da jakoha napisaŭ Ełtan Džon.

Pavialičyć

Mikulskaja była ŭ zachapleńni ad miuzikła i napisała, što heta nievierahodnaja pastanoŭka: «Jakija šykoŭnyja režysiorskija rašeńni ŭ śpiektakli! Vučusia i vučusia!»

Pry hetym režysiorka ździŭlałasia praviłam u anhlijskim teatry: zdymać miuzikł nielha, a być u zale ŭ palito, ź ježaj i napojami možna. Ale zabarona na zdymki jaje nie spyniała — Anžalina zrabiła šmat videa dla storys u instahramie.

Pavialičyć

Nastupnym punktam vandroŭki stała Šatłandyja — siamja palacieła ŭ Edynburh, kab sustreć tam Novy hod i paŭdzielničać u fakielnym šeści.

— Heta adna ź niamnohich krain, dzie jarka i z tradycyjami śviatkujecca mienavita Novy hod (astatnija bolš uvahi nadajuć Rastvu). Tut jość znakamitaja na ŭvieś śviet viečarynka Chohmanaj — šatłandskaje śviata, pravodziny adychodziačaha hoda. Hulajuć niekalki dzion. Zachaplalnaja fiejeryja fakielnaj pracesii kožny hod źbiraje la Edynburhskaha zamka bolš za sto tysiač ludziej z usiaho śvietu.

Ździŭlała Anžalinu na čužynie toje, što, niahledziačy na ​​chałodny klimat, šatłandcy ŭ minusavuju tempieraturu spakojna mohuć być na vulicy z hołymi nahami (navat dzieci). A jašče šakavaŭ dziŭny desiert — smažany ŭ fryciury šakaładny batončyk «Mars». Takoje kulinarnaje vynachodstva režysiorcy spadabałasia.

Paśla Edynburha siamja znoŭ viarnułasia ŭ Łondan, kab naviedać śpiektakl «Hienziel i Hretel» u Karaleŭskaj opiery «Kovient-Harden».

Pavialičyć

Nastupny punkt prahramy — Livierpul. Tam byli dom-muziej sera Poła Makkartni, muziej «Bitłz», a taksama špacyr da damoŭ Džona Lenana i Rynha Stara.

Pavialičyć

Śviatkavała Rastvo siamja ŭ šykoŭnym restaranie Livierpula.

Pavialičyć

Tolki ŭčora Anžalina viarnułasia da pracy ŭ Biełarusi. Cikava, ci pabačym my ŭ budučym niedzie ŭ Aleksandryi miuzikł «Djabał nosić Elemu».

• 0
• 0
• 3
• 3
• 3
• 0
• 5
• 0