Prezident Rasii Uładzimir Pucin na pieramovach z abranym prezidentam ZŠA Donaldam Trampam płanuje abmiarkoŭvać harantyi nieŭstupleńnia Ukrainy ŭ NATO i skaračeńnie prysutnaści sił aljansu na ŭschodnich miežach. Pra heta piša Financial Times sa spasyłkaj na niekalki rasijskich krynic, u tym liku na surazmoŭcu, jaki abmiarkoŭvaŭ hetaje pytańnie z Pucinym.
«Jon choča źmianić praviły mižnarodnaha paradku, kab nie było pahroz dla Rasii. Jaho vielmi chvaluje, jakim budzie śviet paśla vajny. <…> Tramp, sa svajho boku, i sam choča skaracić rolu NATO. Śviet źmianiajecca, mahčyma ŭsio», — zajaviła krynica vydańnia.
Ab hatoŭnaści Pucina sustrecca z Trampam u minułuju piatnicu paviedamiŭ pradstaŭnik Kramla Dźmitryj Piaskoŭ. Tak jon prakamientavaŭ słovy abranaha prezidenta ZŠA, jaki raniej paviedamiŭ pra pracu rasijskaha i amierykanskaha bakoŭ nad arhanizacyjaj samitu.
Niahledziačy na pieradvybarnaje abiacańnie Trampa zavieršyć vajnu Rasii suprać Ukrainy za 24 hadziny, Financial Times paviedamlaje, što na hetym tydni Tramp nazvaŭ bolš realistyčnym terminam šeść miesiacaŭ dla spynieńnia bajavych dziejańniaŭ.
Jeŭrapiejskija lidary i čynoŭniki zaklikajuć Trampa i jaho kamandu praciahvać vajennuju dapamohu Ukrainie z boku ZŠA. Na ich dumku, heta ŭmacuje pazicyi Kijeva na mirnych pieramovach i padšturchnie Maskvu da dyjałohu.
Zachad, uklučajučy hienieralnaha sakratara NATO Marka Rute, padkreślivaje, što paražeńnie Ukrainy ŭmacuje pazicyi Pucina i jaho sajuźnikaŭ u Kitai, Iranie i Paŭnočnaj Karei.
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład8
Kamientary