«U jaje vielmi mudry pohlad». U minskim hateli pasielać ekzatyčnuju ptušku
Stała viadoma, što ŭ Minsku ŭ hateli «Jeŭropa» pasielicca biełaja palarnaja sava. Pra heta paviedamili ŭ pres-słužbie respublikanskaha sajuza turystyčnaj industryi.
Adznačajecca, što heta budzie adziny žychar nazvanaj haścinicy, raźmieščanaj u centry Minska, jaki budzie aficyjna prapisany pa jaje adrasie. Taksama havorycca, što na pastajannaje miesca žycharstva ŭ hatel «Jeŭropa» biełaja palarnaja sava pierajedzie ŭžo 5 sakavika, da momantu adkryćcia restarana 1884 D'europe, dzie budzie sustrakać haściej.
«Jana jak vielizarnaje biełaje vobłaka — vielmi redki vid», — adznačyŭ dyrektar hatela Dźmitryj Kupryjaniuk.
Pavodle jaho, savie zavodziać pašpart. Taksama jana prachodzić vieterynarny kantrol i nieabchodnyja kamisii. Akramia taho, ptušku rehistrujuć na pastajannaje miesca žycharstva ŭ hateli.
Dyrektar udakładniŭ, što kletku dla savy padrychtavali pa ŭsich mižnarodnych standartach. Jon dadaŭ, što było zaklučana pahadnieńnie ź minskim zaaparkam na absłuhoŭvańnie ptuški.
«Za joj buduć dahladać i pradstaŭniki zaaparku, i našy supracoŭniki, jakija projduć śpiecyjalnaje navučańnie», — adznačyŭ jon. A taksama rastłumačyŭ, čamu dla prezientacyi haścinicy vybrali mienavita hetuju ptušku.
«Čamu mienavita sava? Akramia taho, što jana doŭhažychar, u jaje vielmi mudry pohlad».
Uvohule ž restaran «1884 D'europe» maje vyłučacca nie tolki savoj i nazvaj na francuzski manier, ale i asablivym interjeram. U jaho afarmleńni vyrazna prasočvajecca stylistyčny ŭpłyŭ Francyi XIX stahodździa. Centram uvahi stanie aŭtentyčnaja lustra, nabytaja praz kalekcyjaniera. Jana sotniu hadoŭ upryhožvała adzin z francuzskich zamkaŭ, a ciapier budzie ŭzvyšacca va ŭvachodnaj hrupie restarana.
«Kali ja prynios hetyja talerki, va ŭsich byli kruhłyja vočy: «Vaŭ!». Dyrektar hatela «Jeŭropa» raskazaŭ pra varjacki kreatyŭ, ź jakim jon refarmuje ŭstanovu
U minskim krutym hateli ŭžo bolš za try hady žyvie italjaniec. I źjazdžać nie źbirajecca
Pažyć karalami. Kolki kaštujuć luksy ŭ krutych biełaruskich hatelach?
«Ciabie b baćka praklaŭ»: Maci fihuranta «małočnaj spravy» prabiłasia na spatkańnie ź im, kab ślozna paprasić nie supracoŭničać sa śledstvam3
Kamientary