Da 880 rubloŭ — u MARH raskazali, kolki kaštuje sabrać dzicia da škoły
U Minharvykankamie ličać, što školnaja forma za apošni hod patańnieła.
Aryjencirovačny siaredni košt kamplekta adzieńnia i abutku dla školnikaŭ sioleta składaje 120—620 rubloŭ. Pra heta raspaviała načalnik upraŭleńnia arhanizacyi handlu i hramadskaha charčavańnia Ministerstva antymanapolnaha rehulavańnia i handlu Natalla Mielnikava.
Pavodle jaje słoŭ, košt adzieńnia dziełavoha stylu dla vučniaŭ pačatkovych kłasaŭ budzie składać ad 120 da 600 rubloŭ, dla siarednich kłasaŭ — ad 180 da 580 rubloŭ, a dla staršakłaśnikaŭ — 170 da 620 rubloŭ, piša «Sputnik».
Aryjencirovačny košt naboru piśmovych i kancylarskich pryładaŭ dla małodšych kłasaŭ składaje da 270 rubloŭ, a dla starejšych kłasaŭ — da 260 rubloŭ.
Pry hetym pa rehijonach suma na aptymalnuju ekipiroŭku školnika, u jakuju ŭvachodzić adzieńnie, abutak, hałantareja, Kancylarskija tavary, školna-piśmovyja prynaležnaści adroźnivajucca.
«Na siońniašni dzień tańniej budzie kupić takuju ekipiroŭku ŭ rehijonach z najmienšaj kolkaściu nasielnictva, naprykład, u Mahiloŭskaj vobłaści ŭ arhanizacyjach Biełkaapsajuza. U Miensku i Mienskaj vobłaści hety ceńnik budzie troški vyšejšy», — adznačyła Mielnikava.
Pry hetym čynoŭniki zajavili, što košt ekipiroŭki dla školnikaŭ va ŭniviermahach Minska źniziŭsia i pa asobnych uzrostavych katehoryjach ad 4% da 14%.
-
U Minsku da Novaha hoda pastaviać niezvyčajnuju scenu-piramidu. U čym jaje asablivaść?
-
U Minsku kala Kamaroŭki zaŭvažyli cełuju zhraju svojskich pacukoŭ. Na rynku kažuć, što heta nie ichnija VIDEA
-
«My z vami nie pa čutkach viedajem, što takoje kultura ŭ našaj krainie». Što havaryłasia na pradstaŭleńni novaha ministra kultury
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary