«U Wargaming pracavała šmat vatnikaŭ i jabaciek». Papularny IT-błohier patłumačyŭ, čamu mienavita tam
Błohier AjCiBarada raskazaŭ jutub-kanału «ČiestnOK-LIVE», čamu ŭ adnoj z najbujniejšych biełaruskich IT-kampanij pracavali prychilniki ruskaha śvietu.
Alaksiej Kartyńnik, bolš viadomy jak AjCiBarada, viadzie papularny jutub-kanał pra IT, jaki na siońnia maje bolš za 330 tysiač padpisčykaŭ. U intervju Alaksandru Ivulinu, raspaviadajučy pra mif pra šalonyja zarobki ajcišnikaŭ, jon zakranuŭ temu palityčnych pierakanańniaŭ, jakija isnavali siarod supracoŭnikaŭ Wargaming:
«U Wargaming pracavała šmat vatnikaŭ i jabaciek. Heta historyja, moža, dla kaho adkryćcio, ale ja pracavaŭ šmat ź jakimi ludźmi, jakija mieli adnosiny z Wargaming. Tam takija ludzi pracavali i, moža, dahetul pracujuć».
Błohier patłumačyŭ, što heta nie tamu, što ich śpiecyjalna nabirali tudy, ale kali ty prahramist i vystupaješ za «savočak», to całkam łahična pajści pracavać nad nastalhičnaj hulnioj pra jaho.
Pavodle słoŭ błohiera, choć dla mnohich «tančyki» — heta pra niešta zusim inšaje, ale zvonku vyhladaje, što tudy prychodziać ludzi, jakija zachaplajucca savieckimi tankami.
«Paśla poŭnamaštabnaha ŭvarvańnia Rasii va Ukrainu stała zrazumieła, što World of Tanks prynosić hrošy tolki na postsavieckaj prastory», — raskazaŭ AjCiBarada.
Błohier pryvioŭ u jakaści prykładu supracoŭnika z Wargaming, ź jakim jon źniaŭ adno z samych papularnych intervju na svaim kanale, jašče tady, kali sam nie vielmi cikaviŭsia palitykaj. A paśla padziejaŭ 2020 i 2022 hadoŭ vyjaviłasia, što hety čałaviek «całkam na inšym baku».
Havorka idzie pra viadučaha raspracoŭščyka World of Tanks Blitz Leanida Čajku, rolik ź jakim pra C++ i raspracoŭku hulniaŭ, zapisany ŭ mai 2020 hoda, nabraŭ užo blizu 1,5 miljona prahladaŭ.
Siońnia Čajka pracuje ŭ Lesta Studio, jakoj uviesnu 2022 hoda Wargaming pieradaŭ uvieś hulniavy biznes u Rasii i Biełarusi. U svaich sacsietkach raspracoŭščyk publikuje materyjały dziaržaŭnych prapahandystaŭ i ŭłasnyja fotazdymki z akupavanaha Kryma.
AjCiBarada pryznajecca, što tym nie mienš u Wargaming było šmat krutych ludziej, była vydatnaja škoła, ź jakoj vychodzili vielmi mocnyja raspracoŭščyki. Jon pierakanany, što kali b nie palityčnyja ŭzrušeńni apošnich hadoŭ, to Wargaming staŭ by najbujniejšym raspracoŭščykam hulniaŭ va ŭsioj Jeŭrazii, ale žyćcio vyrašyła inakš i siońnia kampanija «nibyta rastvaryłasia».
«Naša Niva» — bastyjon biełaruščyny
PADTRYMAĆMałady dyzajnier z Babrujska razasłaŭ 657 reziume — i ničoha
Rektar BDUIRa nazvaŭ raspracoŭku biełaruskaha IT, jakoj najbolš hanarycca. Heta kampanija syšła z krainy dva hady tamu
Sa znakamitaha «tankalota» Belavia źnikła zhadka hulni World Of Tanks
Kolki padatkaŭ zapłacili ŭ biudžet Litvy firmy ź biełaruskimi karaniami
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary
Inohda sovkovosť śliškom silno pieriechlestyvała čieriez kraj dla ihry s riejtinhom PEGI 7, i poetomu jeje staraliś zamaskirovať pod čto-nibud́ niejtralnoje, vrodie "istoričnosti". Odin iz primierov priviedion nižie:
https://www.polygon.com/2013/8/6/4594394/world-of-tanks-stalin-emblems-inscriptions
V polzu toho, čto eto "fiča" topov, a nie prostoje sovpadienije, obusłovlennoje charaktierom ihry, hovoriat i oficialnyje partnierskije vzaimootnošienija s MO RF i MO RB (s MO Ukrainy officialno zajavlennych partnierskich otnošienij nie pripomniu).