Saŭmin udakładniŭ praviły pryznačeńnia dziaržaŭnych dapamoh siemjam, jakija vychoŭvajuć dziaciej. Asnoŭnyja novaŭviadzieńni pačnuć dziejničać z 1 studzienia 2025 hoda. Pastanova pra heta apublikavanaja na pravo.by.
Asnoŭnyja źmieny zakranuć dapamohu pa ciažarnaści i rodach. Tak, z raźliku balničnaha vyklučać pieryjady dekretu va ŭzroście da troch hadoŭ, kali adpačynak pa dohladzie budzie pierarvany ŭ suviazi ź likvidacyjaj najmalnika. Pavodle pradstaŭnikoŭ Minpracy, heta pryviadzie da pavieličeńnia pamieraŭ dapamoh pa ciažarnaści i rodach, a taksama pa časovaj niepracazdolnaści.
Źmieniacca i praviły raźliku pamieru dapamoh dla ludziej, jakija pracujuć pa hramadzianska-pravavych damovach. Naprykład, pamier dapamohi buduć raźličvać na padstavie źviestak piersanifikavanaha ŭliku, zychodziačy z pamieru siaredniadzionnaha ŭznaharodžańnia da miesiaca ŭźniknieńnia prava na dapamohu.
Taksama z 1 studzienia ŭ poŭnaj siamji, kali adnaho z baćkoŭ pryznajuć abmiežavana dziejazdolnym albo jon nie zmoža vykonvać svaje baćkoŭskija abaviazki z-za chvaroby, dapamohu na dziaciej zmoža atrymlivać inšy baćka bieź źmieny miesca vypłaty.
Akramia hetaha, z novaha hoda kamisii pa pryznačeńni dapamoh zmohuć zapytvać bolš dakumientaŭ dla pryniaćcia rašeńniaŭ pa pryznačeńni dapamoh dla dohladu dzicia va ŭzroście da troch hadoŭ ci dzicia-invalida va ŭzroście da 18 hadoŭ.
Pastanova taksama kankretyzuje dakumienty, pavodle jakich dzieci, narodžanyja pa-za šlubam, buduć uličvacca ŭ siamji maci. Tak, jany buduć uličvacca tam, kali pahadnieńnie pra dziaciej, pahadnieńnie pra ŭtrymańnie niepaŭnaletnich dziaciej abo sudovaje pastanaŭleńnie nie vyznačaje inšaje.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana12
Kamientary