U papularnych markach rasijskich siemak znajšli atrutu. Častka ź ich pradajecca ŭ Biełarusi
Atruta, znojdzienaja ŭ siemkach peŭnych brendaŭ, u vialikich dozach moža pryvodzić da surjoznych zachvorvańniaŭ lohkich, hipiertanii, aniemii i spryjać raźvićciu raku. Voś što heta za marki.
U handlovych markach rasijskich siemak «Piervym diełom», «Siemiečki Bohučarskije», «Džinn», «Babkiny siemiečki», «365 dniej», «Ot atamana», «Krasnaja ciena», «Smakky» i «Moja ciena» zafiksavany vysoki ŭzrovień taksičnaha mietału kadmiju, paviedamlaje «Kamsamolskaja praŭda».
«Babkiny siemiečki», «Mołodiežnyje» i niekatoryja inšyja z vyšejpieraličanych brendaŭ rasijskich siemak pradajucca ŭ biełaruskich kramach.
Kadmij — heta adzin z samych taksičnych ciažkich mietałaŭ, jaki chutka nazapašvajecca ŭ arhaniźmie, a vyvodzicca jon vielmi doŭha — ad 10 da 30 hadoŭ. U vialikaj kolkaści kadmij vyklikaje ŭ čałavieka surjoznyja zachvorvańni lohkich, hipiertaniju, aniemiju i spryjaje raźvićciu raku.
U siemki kadmij traplaje padčas rostu słaniečnika. Raślina vyciahvaje ciažki mietał z hleby. A ŭ hlebu rečyva traplaje razam z fasfatami, jakija adno z samych papularnych uhnajeńniaŭ u sielskaj haspadarcy. Pry hetym dastatkova źjeści ŭsiaho 100 hramaŭ siemak z vysokim pracentam kadmija, kab atrymać tracinu ad adnosna biaśpiečnaha dla čałavieka ŭzroŭniu taksičnaha mietału, piša «Kamsamolskaja praŭda».
Zhodna z rasijskimi narmatyvami, kolkaść kadmiju ŭ siemkach nie pavinna pieravyšać 0,2 mh/kh. A va ŭsich vyšejpieraličanych markach uzrovień kadmiju choć i ŭkładvajecca ŭ dziejučuju normu, ale ŭsio roŭna źjaŭlajecca vysokim z punktu hledžańnia rekamiendacyj Suśvietnaj arhanizacyi achovy zdaroŭja, adznačaje miedyja.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary
A čym toj kadmij vyvodzicca ? Moža pivam ?