Biełarus Pavieł Vałužyn debiutavaŭ u Ńju-Jorkskim Mietrapoliten-opiera — adnym z samych prestyžnych teatraŭ u śviecie. Infarmacyja pra heta źjaviłasia na sajcie amierykanskaha kalektyvu, zaŭvažyła «Lusterka».
Biełarus vykanaŭ partyju hiercaha Mantuanskaha ŭ opiery Džuzepe Verdzi «Ryhaleta».
Pavieł Vałužyn naradziŭsia ŭ Radaškovičach. Skončyŭ Maładziečanskaje muzyčnaje vučylišča imia Ahinskaha, paśla Sankt-Pieciarburhskuju dziaržaŭnuju kansiervatoryju. U 2013—2016 hadach byŭ artystam maładziožnaj opiernaj prahramy Vialikaha teatra Rasii, u 2016—2018-m — salistam opiernaj trupy Vialikaha teatra.
U 2017-m adbyŭsia jeŭrapiejski debiut Vałužyna ŭ teatry šviejcarskaha Bazela («Bahiema» Džakama Pučyni), za im pajšli vystupleńni ŭ niamieckaj opiery ŭ Bierlinie, Drezdenskaj Ziempieropier, Vienskaj Folksopier, opiery Tułona, na Brehienckim fiestyvali. Z 2018-ha — salist dziaržaŭnaj opiery Štutharta (Hiermanija).
Da Vałužyna ź biełarusaŭ na ńju-jorkskaj scenie vystupali tolki salisty sankt-pieciarburhskaha Maryinskaha teatra Kaciaryna Siemiančuk i Iryna Hardziej, salistka Nacyjanalnaha teatra opiery i baleta Biełarusi Aksana Vołkava, a taksama Alaksandr Rosłaviec, salist Hamburhskaha Opiernaha teatra (Hiermanija).
Mikoła Siarha padzialiŭsia, jak jaho ŭraziła Marharyta Laŭčuk
«Niechta nie chacieŭ, kab biełarus zajmaŭ vysokaje miesca ŭ adnym z najlepšych teatraŭ Ukrainy». Dyryžor Čarnucha-Volič daŭ pieršaje intervju paśla zvalnieńnia z adeskaj opiery
Hałoŭnym dyryžoram minskaha Opiernaha staŭ rasijanin. Svaich pazvalniali za palityku
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład3
Kamientary