Va Uładzimirskaj vobłaści Rasii mužčyna na ŭsiedarožniku prataraniŭ vajenkamat, a zatym padpaliŭ aŭtamabil
Z 13 śniežnia rasijanie ździejśnili nie mienš za 50 padpałaŭ bankaŭ, palicejskich mašyn, paštovych adździaleńniaŭ i inšych abjektaŭ pad uździejańniem telefonnych machlaroŭ.
Mužčyna ŭjechaŭ u budynak vajenkamatu ŭ Huś-Chrustalnym, prataraniŭšy bramu płota, a zatym padpaliŭ svoj aŭtamabil. Mer horada Alaksiej Sakałoŭ u svaim telehram-kanale nazvaŭ jaho «čarhovaj achviaraj ukrainskich machlaroŭ», piša «Nastojaŝieje vriemia».
Rehijanalnaje ŭpraŭleńnie SK zaviało kryminalnuju spravu ab naŭmysnym paškodžańni čužoj majomaści. Paviedamlajecca, što mužčynu zatrymali na miescy złačynstva, i što padpalščyk «rastłumačyŭ, što dziejničaŭ pa ŭkazańniach nieviadomych asob, ź jakimi razmaŭlaŭ pa telefonie».
Raniej «Miedyjazona» padličyła, što z 13 śniežnia rasijanie ździejśnili nie mienš za 50 padpałaŭ bankaŭ, palicejskich mašyn, paštovych adździaleńniaŭ i inšych abjektaŭ pad uździejańniem telefonnych machlaroŭ.
U svaju čarhu dziaržaŭnaje rasijskaje ahienctva TASS siońnia paviedamiła sa spasyłkaj na krynicy ŭ siłavych strukturach, što ŭ Rasii za apošnija dziesiać dzion było ździejśniena bolš za 40 padpałaŭ i vybuchaŭ pa zadańni machlaroŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary