Zasnavalnik kampanii HBO, pieršaprachodca płatnaha telebačańnia, pamior va ŭzroście 98 hadoŭ
Čarlz Dołan, jaki zasnavaŭ niekalki najbujniejšych amierykanskich miedyjakampanij, u tym liku Home Box Office (HBO) i Cablevision Systems, pamior va ŭzroście 98 hadoŭ ad naturalnych pryčyn, piša «Hołas Amieryki».
U zajavie, apublikavanaj u subotu jaho siamjoj, paviedamlajecca, što Dołan pamior ad naturalnych pryčyn, pra što paviedamiła prynaležnaje da jahonaha miedyjachołdynhu vydańnie Newsday. «Ź vialikim smutkam paviedamlajem pra śmierć našaha lubimaha baćki i patryjarcha Čarlza Dołana, vizijaniera i zasnavalnika HBO i Cablevision», — havorycca ŭ zajavie.
Čarlz Dołan pakinuŭ jarki śled u historyi kabielnaha telebačańnia.
U 1972 hodzie jon zasnavaŭ kampaniju Home Box Office (siońniašni HBO), jakaja stała pieršaprachodcam u halinie płatnaha telebačańnia. U 1973 hodzie jon stvaryŭ Cablevision, a ŭ 1984-m — telekanał American Movie Classics (AMC). Akramia taho, Dołan staŭ inicyjataram stvareńnia ŭ Ńju-Jorku News 12 — pieršaha kruhłasutačnaha miascovaha navinavaha kanała ŭ ZŠA.
Naradziŭsia Dołan u Kliŭlendzie i pastupiŭ va Univiersitet Džona Keroła ŭ pryharadzie Kliŭlenda, adnak nie skončyŭ jaho.
U červieni 2016 hoda Cablevision była pradadziena jeŭrapiejskaj telekamunikacyjnaj kampanii Altice za 17,7 miljarda dalaraŭ.
Na momant śmierci majomaść Čarlza Dołana i jaho siamji aceńvałasia ŭ 5,4 miljarda dalaraŭ. U jaho zastałosia šeść dziaciej, 19 unukaŭ i piać praŭnukaŭ. Jaho žonka, Chielen En Dołan, pamierła ŭ 2023 hodzie.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova14
Kamientary