Здароўе55

Чаму вірусы гуляюць зімой? Вучоныя нарэшце зразумелі. Гэта дазволіла па-новаму паглядзець на маскі

Як толькі халадае, вакол з’яўляецца ўсё больш прастуджаных людзей. Але ж мікробы атачаюць нас круглы год, чаму ж мы робімся іх ахвярамі толькі ўзімку? Здаецца, у вучоных нарэшце з’явіўся адказ.

Фота: AP Photo / Ng Han Guan

Працу, што выйшла на гэтым тыдні ў выданні Journal of Allergy and Clinical Immunology, даследчыкі называюць навуковым прарывам. Паводле яе, халоднае паветра само па сабе шкодзіць сістэме імуннага адказу на слізістай носа, піша CNN.

Калі знізіць тэмпературу ўнутры носа ўсяго на 5 градусаў, гэта, згодна з высновамі навукоўцаў, знішчыць амаль палову з тых мільярдаў клетак у ноздрах, што дапамагаюць змагацца з бактэрыямі і вірусамі. Такім чынам вы атрымаеце павышаную імавернасць захварэць на вірусную інфекцыю.

Асноўнымі аўтарамі працы былі рынолаг Бенджамін Блеер, супрацоўнік Масачусетскай бальніцы вока і вуха і прафесар Гарвардскай медыцынскай школы, і Мансур Аміджы — кіраўнік факультэта фармацэўтыкі ў Паўночна-Усходнім універсітэце ў Бостане. Каб разабрацца ў сутнасці прадмета, ім давялося ледзьве не стаць сапраўднымі медыцынскімі дэтэктывамі.

Каманда высветліла, што, калі вірус ці бактэрыя трапляюць у нос, іх спярша выяўляюць клеткі слізістай пярэдняй часткі носа, якія адразу ж пачынаюць выдзяляць мільярды так званых пазаклетачных везікул. Блеер называе іх міні-версіямі клетак, спецыяльна створаных для таго, каб знішчаць вірусы.

Згодна з працай навукоўцаў, калі імунныя клеткі ў носе трапляюць пад атаку вірусаў ці бактэрый, вытворчасць пазаклетачных везікул павышаецца на 160%. Вучоныя таксама высветлілі, што на паверхні гэтых міні-версій клетак ёсць нашмат больш рэцэптараў, чым на звычайных клетках, што паляпшае іх здольнасць «паглынаць» вірусныя часцінкі.

Што ж адбываецца з усім гэтым багаццем, калі на вуліцы халадае? Каб высветліць гэта, Блеер і яго каманда пратрымалі ўдзельнікаў даследавання 15 хвілін пры тэмпературы 4,4 градуса Цэльсія і потым даследавалі ўмовы ўнутры іх ноздраў. Аказалася, што, калі людзі знаходзяцца ва ўмовах холаду, тэмпература ў іх носе можа знізіцца на 5 градусаў, і гэтага дастаткова, каб выбіць з барацьбы з бактэрыямі прыкладна 42% пазаклетачных везікул. Разам з гэтым пагоршае і якасць саміх везікул: напрыклад, колькасць рэцэптараў на іх можа знізіцца да 70%. Усё гэта прыкладна ў два разы памяншае вашу здольнасць абараняць сябе ад вірусаў.

Такое даследаванне паказвае, чым карыснае нашэнне масак узімку: яны не толькі абараняюць ад удыхання вірусаў, але і дапамагаюць падтрымліваць у носе вышэйшую тэмпературу.

Чытайце таксама:

«Спадзяюся, пятага разу не будзе». Беларусы, якія хварэлі на кавід тры і больш разы, расказваюць, як гэта

8 прыкмет, што ваш храп можа быць небяспечны

Некалькі простых правіл — і вы не будзеце хварэць зімой

Каментары5

  • птнн
    10.12.2022
    Даследванне выбітнае. Але, якая тэмпература лічыцца найбольш спрыяльная для носа? +10С, +15С, +20С, ці +30С - якая?
  • Анёлак
    10.12.2022
    Чаго ні надасьледуеш, каб пераканаць людзей насіць маскі...
  • Ян
    10.12.2022
    Анёлак, дурняў не мае сэнсу пераконваць. 2020 год гэта добра паказаў - насілі бы маскі - не было б столькі памерлыў. А насілі бы яшчэ й падчас мітынгаў - мо і зараз было бы меней спраў.

«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай

«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай

Усе навіны →
Усе навіны

ЗША вымусілі Кітай закрыць свае буйныя порты для расійскага «ценявога флоту»2

Гайдукевіч заклікаў не дапускаць да выбараў «здраднікаў» і «пятую калону»6

«Чорны» археолаг заявіў, што гэта ён знайшоў скарб вялікіх князёў у Кафедральным саборы — скандал у Вільні5

Меркаваны біёграф Ілана Маска лічыць, што мільярдэр уяўляе небяспеку для ўсяго свету8

МЗС Польшчы збіраецца ўзмацніць правілы выдачы віз

Трамп апублікаваў карту з Канадай, далучанай да ЗША23

У Энгельсе Саратаўскай вобласці пасля атакі беспілотнікаў адбыўся моцны пажар

Беларусь нарасціла вайсковую прысутнасць на ўкраінскай мяжы

Былы адказны за ахову ўсіх пасольстваў на тэрыторыі Беларусі атрымаў крымінальны тэрмін — але з нюансам4

больш чытаных навін
больш лайканых навін

«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай

«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай

Галоўнае
Усе навіны →