Міністр культуры назваў сярэднія заробкі ў сваёй сферы. Лічба ўражвае
У эфіры тэлеканала СТБ Анатоль Маркевіч хваліўся тым, як беларуская культура змагаецца з заходнімі санкцыямі і як у «Купалаўскі» нібыта ходзіць народ пасля сыходу амаль усяго калектыву. Але калі гаворка зайшла пра заробкі, то тут ужо хваліцца не было чым.
Як сказаў міністр Маркевіч, па выніках 2022 года сярэдняя заработная плата ў сферы культуры склала 967 рублёў, у 2023 годзе плануецца выйсці на сярэднюю зарплату памерам 1100 рублёў.
Да 2025 года, па запэўніваннях чыноўніка, работнікі культуры будуць зарабляць не менш за 80% сярэдняй заработнай платы па краіне.
Сярэдняя налічаная заработная плата ў Беларусі ў снежні 2022 года складала 1915,6 рубля, а ў лістападзе — 1648,2 рубля. Традыцыйна ў канцы года выплачваюцца прэміі і бонусы, што адбіваецца на росце сярэдняй зарплаты.
Байпол назваў імёны магчымых забойцаў Андрэя Зельцара. І заявіў, што сілавіка «Нірвану» застрэліў свой жа6
Каментары