Уладзіслаў Хандогій атрымаў першую прэмію 24-га міжнароднага конкурсу піяністаў «Кампазітары Іспаніі» (CIPCE), паведамляе belmir.by.
Наш 22-гадовы суайчыннік быў прызнаны пераможцам адзінагалосна ўсімі 13 членамі журы — музычнымі экспертамі з Іспаніі, Грузіі, Кубы, Германіі, ЗША, Харватыі, Кітая, Бельгіі, Партугаліі і Італіі.
Другі прыз не быў прысуджаны. Трэці, таксама па адзінагалосным рашэнні членаў журы, падзялілі Чэнь Чжылінь з Кітая і Марта Тэхэра Фернандэс з Іспаніі. Апошняй таксама прысудзілі прэмію за найлепшую інтэрпрэтацыю іспанскай музыкі.
Конкурс праводзіцца штогод і праходзіць у прыгарадзе іспанскай сталіцы — населеным пункце Лас-Росас-дэ-Мадрыд, у мясцовым Канцэртным зале Хаакіна Радрыга. Кожны год ён прысвячаецца творчасці аднаго з іспанскіх кампазітараў.
У спаборніцтве могуць удзельнічаць піяністы з любой краіны ва ўзросце да 36 гадоў. Ёсць чатыры этапы: анлайн-адбор, другі тур (удзельнічаюць максімум 46 чалавек), паўфінал (максімум 10) і фінал (максімум 3).
Конкурс быў прысвечаны кампазітару Томасу Марка. Усе ўдзельнікі павінны былі выконваць яго творы. Аднак у фінале гралі канцэрт для фартэпіяна з аркестрам. Усе фіналісты выканалі творы Рахманінава.
-
Саджалі на кол, білі жалезным ключом па галаве. Жыццё, каханне і турэмныя здзекі з класіка белліта Кузьмы Чорнага
-
Выйшаў доўгачаканы працяг культавай украінскай гульні S.T.A.L.K.E.R. У Расіі геймераў прыстрашваюць не гульнявой, а рэальнай зонай за дзяржздраду
-
Пластычны тэатр «ІнЖэст» страціў памяшканне для рэпетыцый
Памёр дзед Колі Лукашэнкі — былы вязень ГУЛАГа, асуджаны за дапамогу «бандэраўцам»7
Каментары