Вайна66

Следчыя знайшлі лодку, на якой перавозілі выбухоўку для дыверсіі на «Паўночным патоку». Разведка ЗША лічыць, што за ёй можа стаяць «праўкраінская група»

Пра меркаванне амерыканскай разведкі паведаміла газета The New York Times са спасылкай на крыніцы. У амерыканцаў няма доказаў датычнасці да выбухаў найвышэйшага кіраўніцтва Украіны. 

Па версіі разведкі, у групу ўваходзілі сапернікі Уладзіміра Пуціна, якія мелі грамадзянства РФ ці Украіны. Грамадзяне ЗША і Вялікабрытаніі, паводле звестак разведкі, у гэтым не ўдзельнічалі, піша газета. Імёны ўдзельнікаў групы невядомыя.

NYT адзначае, што выбухоўку на трубаправоды маглі закласці дасведчаныя вадалазы, якія ў мінулым маглі «праходзіць спецыялізаваную падрыхтоўку ў дзяржаўных структурах».

Ананімныя афіцыйныя асобы ЗША адзначылі, што не знайшлі ніякіх доказаў, што да дыверсій датычны расійскі бок. 

Пра тое, што «сляды вядуць ва Украіну», таксама заявілі крыніцы нямецкіх медыя — газеты Die Zeit і тэлеканалаў ARD і SWR. Яшчэ восенню 2022 года, неўзабаве пасля выбухаў на газаправодах, як піша Die Zeit, «адна з заходніх спецслужбаў» паведаміла еўрапейскім партнёрам, што да дыверсіі можа мець дачыненне ўкраінскі спецназ. 

Расследавальнікі ўстанавілі лодку, якую выкарыстоўвалі для дыверсіі. Лодку арандавала кампанія з Польшчы, якая належыць двум украінцам. Следчыя ўстанавілі, што лодка выйшла ў мора з горада Ростак у Германіі 6 верасня 2022 года, а пасля яе заўважылі на дацкім востраве Крысціянсё, які знаходзіцца ў раёне, дзе адбыліся выбухі. Следчыя знайшлі ў каюце сляды выбухоўкі.

Па даных следства, у дыверсіі ўдзельнічалі шэсць чалавек: пяцёра мужчын і адна жанчына. У групу ўваходзілі капітан, два вадалазы, два памочнікі і доктар. Die Zeit піша, што нацыянальнасць удзельнікаў незразумелая, бо яны выкарыстоўвалі падробленыя дакументы, напрыклад, для арэнды лодкі.

Хто стаіць за дыверсіяй, незразумела. У спецслужбах Захаду лічаць, што следства маглі пусціць па лжывым следзе з дапамогай доказаў, якія паказваюць на Украіну як на выканаўцу, але ніякіх доказаў, якія пацвярджаюць гэта, няма.

У Офісе прэзідэнта Украіны адмаўляюць датычнасць да дыверсій.

Каментары6

  • Kub
    08.03.2023
    У лодцы ляжала візітка Яраша!
  • Анатоль Глупцофф
    08.03.2023
    Взорвать три нитки хорошо укрытого(зарытого) газопровода таким составом и такими средствами невозможно. Это чепуха
  • Абышто
    08.03.2023
    За кого вы нас держите?!

«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай

«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай

Усе навіны →
Усе навіны

ЗША вымусілі Кітай закрыць свае буйныя порты для расійскага «ценявога флоту»2

Гайдукевіч заклікаў не дапускаць да выбараў «здраднікаў» і «пятую калону»6

«Чорны» археолаг заявіў, што гэта ён знайшоў скарб вялікіх князёў у Кафедральным саборы — скандал у Вільні5

Меркаваны біёграф Ілана Маска лічыць, што мільярдэр уяўляе небяспеку для ўсяго свету8

МЗС Польшчы збіраецца ўзмацніць правілы выдачы віз

Трамп апублікаваў карту з Канадай, далучанай да ЗША23

У Энгельсе Саратаўскай вобласці пасля атакі беспілотнікаў адбыўся моцны пажар

Беларусь нарасціла вайсковую прысутнасць на ўкраінскай мяжы

Былы адказны за ахову ўсіх пасольстваў на тэрыторыі Беларусі атрымаў крымінальны тэрмін — але з нюансам4

больш чытаных навін
больш лайканых навін

«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай

«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай

Галоўнае
Усе навіны →