Міністэрства абароны Латвіі прапануе ўмацаваць усходнюю мяжу з дапамогай супрацьтанкавых мін і зубоў, жалезабетонных канструкцый і іншых перашкод. Пра гэта паведаміла міністарка абароны Інара Мурніецэ, прадставіўшы абноўленую канцэпцыю дзяржаўнай абароны.
Мурніецэ падкрэсліла неабходнасць умацавання мяжы як з вайсковага, так і з тэхнічнага пункту гледжання. Улады плануюць даследаваць мясцовасць для вызначэння найбольш эфектыўных мер па абмежаванні руху на розных участках мяжы.
Для каардынацыі намаганняў стварылі працоўную групу, у якую ўвойдуць спецыялісты міністэрстваў унутраных спраў і абароны.
«МУС адказвае за будаўніцтва плота, устаноўку датчыкаў, кабеляў, і гэта павінна быць зроблена як мага хутчэй. Але мяжа павінна быць упарадкаваная і з вайсковага пункту гледжання, таму што мы бачым, як хутка развіваецца сітуацыя ў Беларусі», — падкрэсліла міністарка.
Чытайце таксама:
Мяжа ЕС з Беларуссю пакуль не будзе закрытая — кіраўнік МЗС Латвіі
Пасля даносу Бондаравай раптоўна адмянілі выставу ў музеі Янкі Купалы. Цяпер яна патрабуе на музеі шыльды па-руску29
Каментары