На канец кастрычніка прызначаны разгляд справы аб эканамічнай неплацежаздольнасці (банкруцтве) ТАА «Салеа — кіроўная кампанія холдынгу». 20 кастрычніка завяршаецца тэрмін ліквідацыйнага вядзення па справе, гэта гаворыцца на сайце Адзінага дзяржаўнага рэестра звестак аб банкруцтве, заўважыла «НВ».
«Беручы пад увагу рашэнне сходу крэдытораў, суд лічыць неабходным задаволіць хадайніцтва кіраўніка аб падаўжэнні тэрміну санацыі ТАА «Салеа» — кіроўная кампанія холдынга» да 20.10.2023, паколькі ёсць падставы меркаваць, што прадаўжэнне тэрміну санацыі прывядзе да павелічэння агульнай сумы задаволеных патрабаванняў крэдытораў», — гаварылася ў вызначэнні Эканамічнага суда Мінскай вобласці ад 20 кастрычніка 2022 года аб прадаўжэнні тэрміну санацыі «Салеа-УКХ».
Галоўны офіс «Салеа» знаходзіцца ў Дзяржынску. Раней там быў завод капітальнага рамонту дызельных рухавікоў — яго ў 2011 годзе выкупіў бізнэсмен Аляксандр Шакуцін. У 2013 годзе ён зарэгістраваў ТАА «Салеа».
У сакавіку 2014 года на прадпрыемстве пабываў Аляксандр Лукашэнка. Па выніках візіту было прынята рашэнне аб стварэнні гідраўлічнага холдынга «Салеа». У красавіку 2014 года ТАА «Салеа» перайменавана ў ТАА «Салеа» — кіроўная кампанія холдынга».
Шакуцін тлумачыў тады Лукашэнку, што заснавальнікі ТАА «Салеа» вядуць працу па стварэнні ў Беларусі буйнога холдынга вытворчасці гідраўлічнага абсталявання для машынабудавання.
«Холдынг ствараецца на базе некалькіх прадпрыемстваў у розных рэгіёнах Беларусі і на працягу трох гадоў зможа цалкам замясціць імпарт гідраўлічных машын у Беларусь, на 100% забяспечыць патрэбы беларускіх машынабудаўнічых прадпрыемстваў у высакаякасных сучасных камплектуючых. Акрамя таго, каля 40% прадукцыі плануецца пастаўляць на экспарт, — паведамляла прэс-служба Лукашэнкі 27 сакавіка 2014 года. — Як далажыў Аляксандр Шакуцін, агульны аб'ём інвестыцый складзе больш за $200 млн, акупнасць праекта — 5 гадоў».
Але абставіны ўнеслі ў гэтыя планы карэкціроўкі.
«У мяне з'явілася праблема з холдынгам «Салеа» — не мной ініцыяваная: я даў гарантыю, што яны выканаюць забавязанні, а яны не выканалі! І ўсе іх забавязанні перайшлі на мяне як на фізічную асобу, — распавядаў у свой час Аляксандр Шакуцін у інтэрв'ю «Народнай Волі». —
Санкцыі — гэта яшчэ дробнае. Банкі падалі ў суд, і я сёння не маю права выехаць за мяжу. Не толькі ў Еўропу, але нават у Расію ці Украіну! Я не маю права сесці за руль — так суд вырашыў, у мяне арыштаваная маёмасць. І шмат іншых момантаў ёсць».
Чытайце таксама:
Шакуцін прасіў ЕС зняць з яго санкцыі. Не пашанцавала
Еўрапейскі суд адмовіўся зняць санкцыі яшчэ з трох лукашыстаў
У Літве замарозілі актывы, звязаныя з Аляксандрам Шакуціным
Шакуцін рызыкуе паўтарыць лёс Чыжа — еўрапейскія санкцыі развальваюць бізнэс
Шакуцін: У мяне забралі правы, арыштаваная маёмасць, я не магу выехаць за мяжу
Байпол назваў імёны магчымых забойцаў Андрэя Зельцара. І заявіў, што сілавіка «Нірвану» застрэліў свой жа6
Каментары