Прэзідэнт Рэспублікі Сербскай Босніі і Герцагавіны Міларад Додзік у інтэрв'ю тэлеканалу «РТР-Беларусь» паведаміў, што неўзабаве мае намер наведаць Беларусь.
«Я неўзабаве да вас прыеду. Я ўжо быў у Беларусі і зачараваны вашай краінай. Зберагайце свайго прэзідэнта і сваю свабоду, свой суверэнітэт. Калі вы гэта страціце, то страціце сябе. А беларускі народ — гэта свабодны народ, і за гэта варта плаціць. Свабода важнейшая за ўсё. Беларусь, Расія, Рэспубліка Сербская — міру нам усім», — сказаў Міларад Додзік.
Боснія і Герцагавіна складаецца з дзвюх частак — Федэрацыі Босніі і Герцагавіны (яе насельніцтва — пераважна баснійцы-мусульмане і харваты) і Рэспублікі Сербскай. Калі першая арыентаваная перадусім на Захад, то ў Рэспубліцы Сербскай, якой кіруе Міларад Додзік, моцныя прасербскія і прарасійскія настроі. Неабходнасцю трымаць раўнавагу паміж гэтымі часткамі тлумачыцца непаслядоўнасць дзяржаўнай палітыкі Босніі і Герцагавіны. Абвастрэнне міжнацыянальных адносін у гэтым рэгіёне ў першай палове 1990-х гадоў мела вынікам крывавую вайну з прыкметамі генацыду.
Чытайце таксама:
«Расейцаў столькі, што Бялград пераўтвараецца ў нейкі Белгарад». Як жывуць беларусы ў Сербіі
Прэзідэнт Сербіі хоча аднавіць сумесныя вучэнні з НАТА
Лукашэнка распавёў, як накарміў Зімбабвэ, і даручыў разабрацца з Сербіяй
Ціханоўская заклікала беларусаў пазбягаць выбараў і не пратэставаць14
Каментары