Хто з міністэрстваў і ведамстваў вядзе сацсеткі па-беларуску?
Паглядзелі, ці выкарыстоўваюць ведамствы беларускую мову ў акаўнтах.
Што ў Мінкультуры, Мінадукацыі і МЗС?
Міністэрства культуры актыўна вядзе тэлеграм. Большасць допісаў у канале — рускамоўныя, але час ад часу з'яўляюцца пасты на беларускай мове. Часцей за ўсё гэта рэпосты з каналаў «Культура і Мастацтва» і канала «Культура» Беларускага радыё. Часам праскокваюць і ўласныя допісы на беларускай мове.
Мінадукацыі не напружвае сябе выкарыстаннем беларускай мовы ў сацыяльных сетках.
У профілі Міністэрства замежных спраў беларуская мова з'яўляецца па святах. Напрыклад, 31 снежня 2023 года ў віншаванні з Новым годам.
Некалькі допісаў па-беларуску выходзілі 3 ліпеня на Дзень незалежнасці.
А ў сілавых ведамстваў?
Мяркуючы па сацыяльных сетках, якія вядуцца ад імя МУС, за дзяржаўную мову яны прызнаюць толькі рускую. Цалкам рускамоўнымі з'яўляюцца іх профіль у інстаграм, старонка ва «Укантакце» і афіцыйны тэлеграм-канал.
Тое самае ў Генеральнай пракуратуры. Ведамства, якое займаецца тэмай генацыду беларускага народа, вядзе ўсе сацсеткі па-руску.
Акаўнты Мінабароны і Следчага камітэта не адрозніваюцца — усе яны па-руску.
Знайсці беларускамоўныя допісы ў афіцыйных акаўнтах Мытнага камітэта і МНС таксама задача не з лёгкіх.
На фоне іншых сілавых ведамстваў вылучаецца Дзяржаўны пагранічны камітэт. Беларуская мова ў інстаграм-акаўнце пагранічнікаў асноўная.
Праўда, на інстаграме беларускасць заканчваецца. Усе астатнія сацыяльныя сеткі вядуцца на рускай мове.
Спорт, здароўе, эканоміка — ці ёсць беларуская мова там?
Тэлеграм-канал Міністэрства спорту і турызму вядзецца на рускай мове. Можна адшукаць толькі некалькі допісаў, напісаных па-беларуску. Праўда, з'яўляюцца яны ў выпадках перадруку з беларускамоўных выданняў або рэпостаў.
Падобная сітуацыя і ў афіцыйным тэлеграм-канале Міністэрства аховы здароўя. Беларуская мова ў ім з'яўляецца толькі ў выпадку перадрукаў матэрыялаў, дзе беларуская — мова арыгіналу. У астатнім усё вядзецца па-руску.
Не адшукаць допісаў на беларускай мове і ў тг-каналах Мініэканомікі і Міністэрства антыманапольнага рэгулявання і ганлю.
Чытайце таксама:
Якія водгукі пакідаюць карыстальнікі ноўтбукаў ад «Гарызонта»
У Расіі зноў загаварылі пра адзіную валюту з Беларуссю. Ёсць імавернасць, што пяройдуць на яе?
Байпол назваў імёны магчымых забойцаў Андрэя Зельцара. І заявіў, што сілавіка «Нірвану» застрэліў свой жа6
Каментары