«Па такіх «абвінавачаннях» можна перасаджаць усіх прыкормленых прапагандыстаў». Прарасійская сталіністка Мірсалімава пракаментавала сваю справу
Віцебская прарасійская актывістка Эльвіра Мірсалімава, якую нядаўна судзілі па артыкуле аб парушэнні парадку правядзення масавых мерапрыемстваў, пракаментавала сваю справу ў фэйсбуку. Надта шмат падрабязнасцяў яна, праўда, не расказала, але нейкія намёкі зрабіла.
Віцебская прарасійская актывістка лічыць абвінавачванні на свой адрас надуманымі і плануе яшчэ больш заняцца прасоўваннем расійскага парадку дня ў Віцебску.
Маўляў, «па такіх «абвінавачаннях» можна перасаджаць усіх прыкормленых прапагандыстаў».
Як вынікае, у яе забралі тэлеграм-канал, і хоць ён дагэтуль працуе, але посціць у яго не Мірсалімава. Цяперашні кантэнт мае нязвыклы для гэтай дзяячкі фармат малюнкаў-цытат.
Мірсалімава таксама піша, што супраць яе заведзена справа і абраная «мера стрымання», якую яна таксама называе «абсурднай», як і абвінавачанні.
Тым не менш, усё гэта для яе не падстава, каб перастаць прасоўваць надалей расійскі парадак дня:
«Калі не атрымаецца аднавіць свой ТГ-канал, ствару новы і працягну нашу дзейнасць па рэальнай інтэграцыі Расіі і Беларусі, падтрымцы акцый «Несмяротны полк» у РБ, абароне расейскай мовы ў Беларусі, Праваслаўя і традыцыйных сямейных каштоўнасцяў».
Эльвіра Мірсалімава — адна з вядомых прарасійскіх актывістак.
Раней яна казала, што беларусы — гэта рускія, а Сталін — вялікі дзеяч, і прапаноўвала паставіць яму помнік.
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары
Дзе такое дзiкунства яшчэ можа быць?
Чаму зло у гэтай краiне пануе!!!